Gau erabakigarria Anoetan: Realaren eta Athleticen arteko bigarren finalerdia, zuzenean kirolakeitb.eus-en, ETB1en eta ETB Onen
Euskadi Irratiak eta Radio Euskadik ere emango dute, zuzenean, Kopako derbi erabakigarria. Donostian final handietako giroa dago.
Donostiak intentsitate handiko gaua biziko du gaur, Realaren eta Athleticen arteko Kopako derbia jokatuko da eta. Partida zuzenean emango da ETB1en, ETB Onen eta kirolakeitb.eus-en.
19:00etan harrera egingo diote talde txuri-urdinari. Realaren autobusak Ospitaletako aldapatik behera egingo du eta estadioa inguratuko du, Txuri Urdinetik eta Belodromotik igarota. Azken metroetan giro bizi-bizia izango dute. Realzaleen parrokiak gau magikoa biziko du, eta Sevillarako txartela lortzea dute helburu: baikor eta zuhur jokatu beharko dute. Jarraitzaile askok uste dute Kopak Realari publiko eta guzti jokatutako finala zor diola.
Jai-giroa estadioaren inguruko tabernetara ere zabalduko da, eta zale ugari espero dira norgehiagoka hasi baino ordu batzuk lehenago.
Zuri-gorrien aldetik, Athleticek desabantailarekin ekingo dio partidari, joanekoan kontrako emaitza izan baitzuten, eta San Mamesetik urrun egingo baitio aurre neurketari. Ondorioz, zenbait jarraitzailek erronka zaila izango dela aitortu dute. Hala ere, orduek aurrera egin ahala gora egin du markagailua iraultzeko itxaropenak, eta Athleticekoek aurre egingo diote erronkari.
Athleticen 600 zale baino gehiago izango dira Anoetan, eta bisitarien sektorea San Mames txiki bihurtzen saiatuko dira. Sarrerarik ez dutenak ere Donostiarajoango dira taldeari laguntzeko, gutxienez luzapena behartzea posible dela sinetsita.
Horrela, Sevillarako txartela jokoan, intentsitate handiko gaua izango da.
Zure interesekoa izan daiteke
Oyarzabal: "Sevilla eta Kopa hau bihotzean eramango ditugu beti, baina zuen zoriontasuna ikusteak ez dauka preziorik eta horrekin geratzen gara”
Garrasiak, txaloak, malkoak eta zoramena Donostian. 100.000 lagun espero ziren Gipuzkoako hiriburuan Realeko jokalariei harrera egin eta Errege Kopa irabazi izana behar bezala ospatzeko, eta aurreikuspenak bete egin dira.
Pradales: “Futbolak zor zion Realari gaur bizitzen ari garen hau”
Bost urtean, euskal taldeek hiru kopa irabazi dituztela nabarmendu du Imanol Pradales lehendakariak; horietatik bi Realak eskuratu ditu. Hori horrela, euskal kirolak bizi duen garaia goraipatu du, “gure nortasunarekin bat datorrelako nola edo hala”.
Oñatiko campusean izandako sexu eraso saiakera bat ikertzen ari da Ertzaintza
Zientzia, Unibertsitate eta Berrikuntza sailburuak Unibertsitateak deitutako elkarretaratzean parte hartu du, eta nabarmendu du "edozein indarkeria motaren aurrean eta, jakina, sexu indarkeriaren aurrean" ezinbestekoa dela "erantzun irmoa ematea".
Egoera pertsonalarekin pozik, baina etxebizitzak eta gai ekonomikoek estutu egiten dituzte gazteak
Eusko Jaurlaritzaren Aurrera Begira txostenaren arabera, ongizate pertsonalaren indizeak 100etik 73 puntuko ebaluazioa du, baina areagotu egin da etorkizunarekiko ziurgabetasuna.
Lau urteko kartzela zigorra ezarri diote gizon bati, Iruñean, 10 urteko ikasle bati sexu erasoa egiteagatik
Auzipetuak ezingo du aurrerantzean biktimarekin hitz egin, ezta harengana hurbildu ere, eta zaintzapeko askatasunean egongo da bost urtez, behin espetxe zigorra beteta. Era berean, 10 urtean ezingo du adingabeekin beharrik egin, ordaindutako lana izan zein ez.
Gipuzkoa "irekia" da immigranteekin, eta bizikidetzari buruzko "iritzi positiboa" du
Aldundiak eta Begirune Fundazioak "Jarrerak, egoerak eta narratiba xenofoboak Gipuzkoan" txostena egin dute. Txosten horren arabera, % 8k uste dute inmigrazioa arazo bat dela.
Lehendakariak babestu egin du berdintasunaren aldeko gizon politikarien sare berria: “Erantzukizun handia dugu”
Imanol Pradalesek adierazi du “oraindik” ez dagoela emakumeen eta gizonen arteko “berdintasuna".
Albiste izango da: harrera Realari, Iranen su-etena kolokan eta aurrez aurreko erregularizazioa
Orain-ek gaur landuko dituen albiste nagusien laburpena.
Erregularizazio eskaerak aurrez aurre aurkezteko aukera, gaurtik aurrera
Gizarte Segurantzaren hiruburuetako bulegoetan eta 50.000 biztanletik gorako hirietako Correosen bulegoetan jaso ahal izango da aurrez aurreko zerbitzua, hitzordua eskatuta.
Gizon bat atxilotu dute Donostian, hilketa saiakera leporatuta, pisukide bat labanaz lepoan zauritzeagatik
Erasoa Altzako etxebizitza batean gertatu da. Ustezko erasotzaileak etxetik alde egin du baina handik gertu aurkitu dute, eta atxilotu egin dute, hilketa saiakera egotzita.