Ibaiak gainezka egin du Butroe ibaiaren arroan, baina egoerak hobera egingo du datozen orduetan
Mungialdean egin du euri gehien, eta zenbait garaje eta errepide hartu ditu urak bertan, Derion eta Bakion, besteak beste. Segurtasun Sailak indarrean izan du abisu horia euriagatik gauerditik goizeko seiak arte.
Azken orduetako euri-jasek ibaiak gainezka egitera eraman ditu zenbait puntutan. Bizkaia ipar-mendebaldean eta Gipuzkoa hego-mendebaldean egin du euri gehien azken orduotan, eta euriagatik ezarritako abisu horia 06:00ak arte indarrean egon den arren, datozen orduetan atertzera joko du eta egoerak hobera egitea espero da.
Ibaiak gainezka egin du Butroe ibaiaren arroko zenbait puntutan. Ibaiaren maila laranjara iritsi da gaur goizaldean Mungian, eta, ondorioz, Lauaxeta zubia itxi dute, badaezpada. Suhiltzaileek eta Udaltzaingoak esku hartu behar izan dute Butroeko arroaren inguruko errepide eta lurpeko aparkalekuetan, Derion, Bakion eta Mungian.
Euri kopuru handiena Bizkaian iragarri du Euskalmetek, 24 orduan metro koadroko 60 litroraino pilatzea espero da. Txarrena goizeko 6ak arte espero zen, eta abisu horia izan da ezarrita; beraz, hortik aurrera egoerak hobera egitea espero dute.
Mungiako Udalak, hala ere, Butroe ibaiaren arroan ez aparkatzeko eta ez ibiltzeko gomendioa egin du, eta Legarda ikastetxeko jolastokia herritarren eskura jarri du autoak uzteko.
Bilboko itsasadarrean ere, Zangroiz Sondikako auzoa maila laranjara iritsi da mareak 06:36an goia jo duenean.
Euskalmetek emandako datuen arabera, metro koadroko 41 litro pilatu dira Mungian sei orduan, 36 Urdulizen eta 16 Aretxabaletan.
Zure interesekoa izan daiteke
Arrigorriagako Padura klubak “irmo gaitzetsi” ditu adin-txikiko batek jasandako sexu-jazarpenari buruz zabaldutako “funtsik gabeko akusazioak”
Kirol klub horretan neska batek sexu-indarkeria eta jazarpena jasan dituela salatu dute elkarteek. Padurak “gogor gaitzetsi” du “edozein eraso mota” eta baita “bideoaren hedapena” ere, baina gertakariak klubaren jardueraren esparrutik kanpora gertatutakoak direla adierazi dute.
Euskal sukaldaritza berriaren sortzaileak, 2025eko Euskadi Gastronomia Sarien irabazleak
Mugimendu horretan aritu ziren Juan Mari Arzak, Pedro Subijana, Karlos Arguiñano, Ramon Roteta, Xabier Zapirain, Luis Irizar, Ramon Zugasti, Ricardo Idiakez, Tatus Fombellida, Patxi Quintana, Pedro Gomez, Manolo Iza eta Jesus Mangas eta Jose Juan Castillo, besteak beste.
Asteartean Santanderren hildako ikasleen zentroan lur jota daude
Hildako gazteak Kantabriako La Granja Lanbide Heziketako Ikastetxeko ikasleak ziren. Abeltzaintza eta abere-osasunari buruzko zikloa ari ziren ikasten. Bertako zuzendariak azaldu duenez, zentroan lur jota daude.
Martxoaren 8ko aldarrikapenekin bat egin dute erakundeek eta sindikatuek
Martxoaren 8aren bezperetan, udalek, aldundiek eta sindikatuek aldarrikapen feministekin bat egin nahi izan dute. Bilboko udaletxean egindako ekitaldian, oso kezkatuta agertu dira emakumeen eta berdintasunaren aurkako mezuak ugaritzen ari direlako.
Euskal emakumeek gizonek baino 2,2 ordu gehiago ematen dituzte egunean seme-alabak zaintzen
2024. urteari dagozkion datuak dira, igandean ospatuko den Emakumeen Nazioarteko Eguna dela-eta Euskal Estatistika Erakundeak ostiral honetan argitaratu duen inkestan jasotakoak.
Santanderko Udalak espedientea ireki dio pasabideari buruzko abisua jasota "bere lana egin ez zuen" udaltzainari
Asteartean Santanderko egurrezko pasabide bat hautsi eta sei pertsona hil ziren, tartean hiru euskal herritar. Halaber, Elvillarko (Araba) neska batek Zainketa Intentsiboen Unitatean jarraitzen du.
Euskal erakundeek diskurtso atzerakoiak eta antifeminismoa borrokatzeko beharra azpimarratu dute martxoaren 8aren atarikoan
Igandean, martxoaren 8arekin, Emakumeen Nazioarteko Eguna izango da. Hori ospatu bezperetan, berdintasunaren eta emakumeen eskubideen aldeko mezuek indar berezia hartu dute euskal erakundeetan.
Miren Elgarrestak (Emakunde) ez du uste feminismoak lekua galdu duenik euskal gizartean
Emakundeko zuzendariaren arabera, euskal gizartea "oso aurreratuta" dago genero berdinatasunari dagokionez, baina "horrek ez du esan nahi izan ditugun lorpenak guztiz bermaturik daudenik", gaineratu du Elgarrestak, eta ohartarazi du eskuinetik datozen diskurtso erreakzionarioek esparru digitalean lortu dutela oihartzuna.
Arrigorriagako Padura klubean neska batek sexu-indarkeria eta jazarpena jasan dituela salatu dute
Bidaure eta Urruma elkarteek "irmotasun falta" leporatu diote kirol klubari, ustez klubeko beste jokalari batzuek egindako erasoaren aurrean. Bost gazte ikertzen ari dira, eta Ertzaintzak Adingabeen Fiskaltzaren esku utzi du kasua.