Zelan eragingo du trafikoan Itzuliaren gaurko etapak?
Asteazken honetan Basaurin izango du abiapuntua eta helmuga, eta tartean 152,8 kilometro egingo ditu. Etapak eragina izango du trafikoan, besteak beste A-68an.
Paul Seixas, Itzuliaren aurtengo edizioan. Argazkia: EFE
Itzulia Basque Country lasterketa Bilbotik abiatu zen astelehenean eta, asteartean Nafarroa zeharkatu ostean, Bizkaian da berriz ere. Asteazken honetan Basauri izango du abiapuntua eta helmuga, tartean 152,8 kilometro atzean utzita. Ostegunean, berriz, Galdakaotik irtengo da, eta herri horretan amaituko da, 167 kilometro egin ostean.
Ostiralean Eibar-Eibar etapa iritsiko da, eta azken etapa, larunbatean, Antzuolatik abiatuko da, Bergaran amaitzeko.
Lasterketak eragina izango du trafikoan. Asteazken honetan, Basauri-Basauri etapan, hauek dira aurreikusitako errepide-mozketak:
-A-8an, 110 irteeran: Lasterketa bi aldiz igaroko da puntu horretatik, eta bi mozketa izango dira, Kantabriarako noranzkoan. Lehengoa, 12:30-14:15; eta bigarrena, 16:00-18:15.
-A-8an, 111 irteeran: Lasterketa bi aldiz igaroko da puntu horretatik, eta bi mozketa izango dira, Donostiarako noranzkoan. Lehengoa, 12:30-14:15; eta bigarrena, 16:00-18:15.
-A-8 R-7an, 111 irteeran (Basauri): Donostiarako noranzkoan. Mozketa: 12:30-14:15.
-A-8 R-7an, 111 irteeran (Basauri): Kantabriarako noranzkoan. Mozketa: 12:30-14:15.
-Ap-68an, 1 irteeran. Bi noranzkoetan. Bi mozketa izango dira, lehengoa, 12:30-14:15; eta bigarrena, 16:00-18:00.
-Ap-68an, 2 irteeran. Gasteizerako noranzkoan. Mozketa: 12:30-14:15.
-Ap-68an, 4 irteeran. Bilborako noranzkoan. Mozketa: 15:30-17:00.
-Ap-68an, 5 irteeran (Altubeko bidesarian). Bi noranzkoetan. Mozketa: 14:30-17:00.
-Bi-636an, 16 irteeran (Balmaseda). Balmasedarako noranzkoan: 13:30-15:00.
-Bi-636an, 23tik 32ra bitarteko KPan. Bi noranzkoetan: 13:30-15:30.
Horrekin batera, udalerrietan mozketak izango dira. Etapa Basaurin hasiko da, 13:30ean, eta gero Laudio eta Soduperantz egingo du. 51,8. kilometroan Artziniegara helduko da, eta hortik aurrera etapako hiru mendatetarantz egingo du: lehenengo, Barrerilla; gero, Bikosgana; eta, azkenik, Sarasola. Basaurira iritsi aurretik, Itzulia Elexalde-Zaratamotik igaroko da.
Etapa honako udalerritatik igaroko da: Basauri, Ugao, Arrankudiaga, Areta, Laudio, Okondo, Sodupe, Artziniega, Arrespalditza, Amurrio, Zuia, Ziorraga, Orozko, Zeberio, Zaratamo eta Basauri.
Osteguneko etapa, Galdakaotik
Ostegunean, berriz, Galdakaon hasi eta, ostean, kostalderantz egingo du etapak. Mozketa ugari izango dira Busturialdea eta Plentzia-Mungia eskualdeetan. Hauek dira espero diren errepideen mozketak:
-Bi-30, 27 irteeran. Bi noranzkoetan. Mozketa: 12.30-17.30.
-Bi-30, 25 irteeran. Bi noranzkoetan. Mozketa: 15.15-18.00.
-Bi-20, 10 irteeran. Bi noranzkoetan. Mozketa: 15.00-18.00.
-N 634, 98tik 108ra bitarteko KP. Bi noranzkoetan. Mozketa: 12.30-18.00.
-Bi 631, 6,5 KP. Bi noranzkoetan. Mozketa: 14.30-18.00.
-Bi 635, 33tik 38ra bitarteko KP. Bi noranzkoetan. Mozketa: 13.00-15.00.
Horrekin batera, Galdakaotik abiatu ostean, lasterketa hainbat udalerritatik igaroko da: Larrabetzu, Morga, Muxika, Gernika, Forua, Murueta, Busturia, Sukarrieta, Mundaka, Bermeo, Bakio, Lemoiz, Maruri, Laukiz, Loiu, Derio, Zamudio, Lezama, eta, azkenik, Txorierritik hainbat kilometro egin ostean, Galdakao.
Zure interesekoa izan daiteke
Eureka! zientzia museoak ateak irekita jarrai lezake: itxiera bi urtez atzeratzea aztertzen ari dira
EITBk jakin duzuenez, Kutxa Fundazioaren patronatuak bilera egingo du bihar, osteguna, Eureka! zientzia museoaren itxieraren gaineko hausnarketa egiteko, eta jarduerari eusteko aukera aztertzeko. Ekainaren amaierarako zegoen aurreikusita museoa ixtea.
Berrizen emaztea labankadaz larri zauritzeagatik atxilotutako gizonak polizia-etxean jarraitzen du, epailearen aurrean deklaratzeko zain
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.
Gizon bat epaituko dute Gipuzkoan, Errenterian beste bat hiltzen saiatzea eta ospitalean hiltzeko mehatxua egitea egotzita
Fiskaltzak hamar urteko kartzela-zigorra eskatu du auzipetuarentzat, ustez biktima sastatzeagatik eta salatuz gero "lepoa moztuko" ziola ohartarazteagatik.
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
"Erasoen aurrean, autodefentsa feminista" aldarripean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.