Nola eragingo dio trafikoari Itzuliaren Eibarko etapak?
Gaurko etapa, azken-aurrekoa, Eibarren abiatu eta bertan amaituko da. Lasterketak Debabarrena, Urola Kosta eta Lea-Artibai eskualdeak zeharkatuko ditu.
Alex Aranburu, Galdakaoko etapan garaile. Argazkia: EFE
Itzulia Basque Country lasterketa azken esprintean sartu da. Gaur, ostirala, Gipuzkoako errepideak zeharkatuko ditu, Eibar-Eibar etapan, eta bihar, bukatzeko, Antzuolatik abiatu eta Bergaran izango du azken helmuga.
Gaurko etapan, Eibartik abiatu ostean, Elkorrieta gainerantz egingo du etapak, Mendaro eta Deba bitartean. Horren ostean, barnealderantz egingo du berriro, Azurki eta Etumeta igotzeko, eta kostalderako bidea hartuko du gero, Deba eta Mutrikurantz.
Azken kilometroak mendatetik mendatera egingo ditu: Kalbario (Mutriku), Krabelin (Eibar), Trabakua (Markina-Xemein eta Mallabia artean), Izua (Eibar) eta Urkaregi (Eibar). Aurtengo Itzuliko etaparik gogorrena izango da gaurkoa.
Etapak trafikoari eragingo dio. Segurtasun Sailak mozketa hauek iragarri ditu:
-AP-8 autobidea, 48 irteeran, bi noranzkoetan: 14:00-15:30
-AP-8 autobidea, 54 irteeran, bi noranzkoetan: 14:15-16:00
-AP-8 autobidea, 64 irteeran, bi noranzkoetan: 12:30-16:00
-AP-8 autobidea, 71 irteeran, bi noranzkoetan: 14:30-18:30
-AP-8 autobidea, 77 irteeran, bi noranzkoetan: 16:00-17:30
Lasterketa udalerri hauetatik igaroko da, eta inguru hauetan ere izango dira mozketak: Elgoibar, Mendaro, Deba, Azkoitia, Azpeitia, Mutriku, Mallabia, Ermua, Markina-Xemein, Etxebarria, Mallabia eta Eibar.
Azken etapan, berriz, lasterketa Debagoienean eta Debabarrenean ibiliko da, eta Azkoitirantz egingo du Azkarate igotzeko.
Azken etapari dagokionez, Segurtasun Sailak mozketa hauek iragarri ditu:
-AP-1 edo Iparraldeko autobidea, 130 irteeran, bi noranzkoetan: 14:00-15:30
-AP-1 edo Iparraldeko autobidea, 138 irteeran, Gasteizko noranzkoan: 14:00-18:00
-AP-8 autobidea, 64 irteeran, bi noranzkoetan: 15:00-17:30
-AP-636 autobidea, 19 irteeran, bi noranzkoetan: 13:00-15:00
Lasterketa udalerri hauetatik igaroko da, eta inguru hauetan ere izango dira mozketak: Antzuola, Elgeta, Azkoitia, Elgoibar, Eibar, Soraluze eta Bergara.
Zure interesekoa izan daiteke
Osasun Itunak ez dituela Osakidetzako arazoak konpondu salatu dute osasun publikoaren aldeko plataformek
Elkarretaratzea egin dute EAEko hiriburuetan, murrizketak salatzeko. Osasun sailburuari hobekuntzaz hitz egiteari uzteko eskatu diote. Mediku falta, itxarote zerrendak, hizkuntza eskubideen urraketak edota psikologo falta daudela salatu dute eta manifestazioak deitu dituzte apirilaren 18rako.
Donostia osoa txuri-urdinez janzteko deia egin du Udalak
Jon Insausti alkateak eta Realak hiritarrei eta Gipuzkoako gizarteari dei egiten diete eraikinetako balkoi eta leihoak bandera txuroi-urdinez apaintzeko. Xabi Prieto eta Aintzane Encinas jokalari ohiak ilusioz beteta agertu dira finalarekin eta Gipuzkoak egunotan bizi duen giroarekin.
Kutxa Fundazioak atzera egin eta Eureka! zientzia museoa zabalik mantenduko du
Erakundeak jakinarazi du azken asteotan egindako "entzute-prozesu" baten emaitza dela erabakia. "Kutxa fundazioak Eurekarekiko babes eta afektu adierazpen ugari jaso ditu, museoak Gipuzkoako herritarrentzat duen balioa berresten dutenak", esan dute.
Bi pertsona ikertzen ari dira, Ean piztutako baso sutearekin zerikusia dutelakoan
Ertzaintzak uste du kobrea lortzeko kablea batzuk erretzen hasi direla, eta ezin izan dutela erreketa kontrolatu. Sua inguruko baso batera zabaldu da, eta 2,7 hektarea inguru kiskali ditu.
Zainketa aringarrien estrategia berria onartu dute
Hemendik aurrera, zainketa aringarrien protokoloa ez zaie soilik sei hilabete baino gutxiagoko biziraupena duten gaixo terminalei. Gaixotasunak eragindako sufrimendua izango da kontuan hartuko dena.
"Gernika" Euskadira lekualdatzea, arazo teknikoa ala politikoa?
Picassoren Gernika Euskadira ekartzea arazo teknikoa da, ala politikoa? Hortxe dago koska, eta erantzun bila, EITBk Luis Beltran arte-zaharberritzailearekin eta Fernando Castro arte-kritikariarekin hitz egin du. Bat datoz, eta biek diote artelana garraiatzeak erronka tekniko handia dakarrela berekin, kontuan izanik koadroaren egoera eta tamaina. Hori oinarri, batzuen ustez, kalteak eragiteko arriskua handiegia da, eta ez du merezi; beste batzuen aburuz, aldiz, egin, egin izan dira halakoak lehen ere, eta borondate kontua da.
Haurreskolak Partzuergoak apirilaren 13an irekiko du izena emateko epea, 8.940 plazarekin
Familiek eskabidea online zein aurrez aurre aurkeztu ahal izango dute, Haurreskolen sare publikoko edozein ikastetxetan. Izena emateko epea maiatzaren 4an amaituko da, eta behin betiko zerrendak ekainaren 26an argitaratuko dira.
Basauri eta Portugaleteko futbol taldeei ezarritako betoa kendu du Bizkaiko Arbitroen Batzordeak
Ohar batean Bizkaiko Arbitroen Batzordeak adierazi duenez, "egoera bideratutzat" eman dute, erasorik ez errepikatzeko klubek "neurriak hartzeko" konpromisoa hartu baitute. Ondorioz, Basauri Bea eta Portugaleteko hurrengo partidetarako epaileak izango dituzte. Hala ere, inplikatutako hirugarren taldearen (Berangoko Karabigane) gaineko betoak indarrean jarraituko du, klub hori ez baita arbitroekin harremanetan jarri.
19 urteko neska batek sexu-erasoa salatu du, Santurtzin
30 urteko ustezko erasotzailea atxilotu zuen Ertzaintzak eta ondoren aske utzi zuen epaileak. Udalak elkarretaratzea deitu du ostiral honetarako, 12:00etan.