Autismoa duen hautagai bat Gasteizen adimen-urritasuna duten pertsonentzako oposizio batetik kanpo uztea berretsi du Justiziak
EAEko Justizia Auzitegi Nagusiaren epaiak ondorioztatzen du ez zuela ofizialki egiaztatu % 33ko edo gehiagoko desgaitasun intelektualik, eta deialdiaren oinarriek horixe eskatzen zuten.
EAEko Auzitegi Nagusiaren artxiboko irudia.
Euskal Autonomia Erkidegoko Auzitegi Nagusiak arrazoia eman dio Gasteizko Udalari, eta berretsi egin du adimen-desgaitasuna duten pertsonentzako oposizio bateko hautaprobetara aurkeztutako gazte bat baztertu izana.
Gutxienez % 33ko desgaitasun intelektuala duten pertsonentzako zerbitzu-laguntzaileen 14 plaza betetzeko enplegu publikoko deialdi bat egin zuen iaz Gasteizko Udalak. Baztertutako hautagaiak Asperger sindromearen diagnostikoa du, % 49ko desgaitasun-maila aitortuarekin. Hala ere, hura prozesutik kanpo utzi zuen Udalak, ez baitzegoen desgaitasun intelektuala zuenik.
Hasiera batean, Administrazioarekiko Auzien Gasteizko 1 zenbakiko Epaitegiak arrazoia eman zion gazteari, uste baitzuen hautagai izan zitezkeela adimen-eginkizunetan eragina duen edozein desgaitasun duten pertsona guztiak. Udalak, ordea, errekurritu egin zuen epaia.
Orain, EAEko Justizia Auzitegi Nagusiak arrazoia eman dio berriro Udalari; izan ere, ondorioztatu du araudiak desgaitasun mota desberdinak bereizten dituela eta, kasu honetan, adimen urritasuna ofizialki aitortuta dutenek soilik parte har zezaketela prozesuan.
Epaiak azpimarratzen du, gainera, horrelako prozesuetan ez dela nahikoa txosten medikoak edo pertsonalak aurkeztea, ezinbestekoa baita erakunde eskudunaren ziurtagiria izatea. Kasu honetan, baldintza hori bete ez denez, gaztea oposiziotik kanpo uzteko erabakia berretsi du auzitegiak.
Zure interesekoa izan daiteke
Zabalik da erregularizazioa "online" egiteko aukera, bai eta aurrez aurre egiteko hitzordu-eskaerena ere
Eskabidea telematikoki egin ahal izateko, beharrezkoa izango da ziurtagiri elektronikoa izatea edo gaitutako profesionalen edo Atzerritartasun Laguntzaileen Erregistroan inskribatutako erakundeen bitartez egitea. Eskabidea aurrez aurre egiteko hitzordua eska daiteke dagoeneko, baina datorren astelehenean, apirilaren 20an, hasiko da prozesua, tramiterako gaitutako puntuetan.
Albistea izango da: migratzaileen erregularizazioa, Ekialde Hurbileko gerraren azken ordua eta Mitoaroa III-ren aurkezpena
Orain-ek gaur landuko dituen albiste nagusien laburpena.
EAEn aztertutako eskolen % 96k gainditzen dute OMEk gomendatutako NO2 kutsadura maila
Ekologistak Martxan taldeak zazpi udalerritako 78 eskolatan neurtu du NO2 nitrogeno dioxidoaren maila: Gasteizen, Donostian, Errenterian, Oiartzunen, Barakaldon, Bilbon eta Erandion. Horietatik soilik hirutan errespetatzen da Osasunaren Mundu Erakundeak (OME) jarritako metro kuboko 10 mikrogramoko langa.
Joko-aretoetan erruleta-makinak manipulatzen zituen talde kriminal bateko burua atxilotu dute Irunen
Ertzaintzak 29 urteko gizon bat atxilotu zuen joan den ostegunean Irunen, joko-areto batean makinak manipulatzen harrapatu ondoren. Atxilotu zutenean, egun horretan lapurtu zituen 31.000 euro baino gehiago zeramatzan, eta aurreko egunean antzeko beste lapurreta bat egin Donostiako beste lokal batean. Poliziaren arabera, atxilotutako gizona talde kriminal bateko burua da, eta hainbat lapurreta egozten dizkiote horri.
Osakidetzak iraungitako 274 txerto eman zituen 2025ean Euskadiko 13 ESIetan
Osasun Sailak orain emandako datuen arabera, akats horiek ESI guztiei eragin zieten.
Ilarak kontsulatuetan, migratzaileak erregularizatzeko prozesua abiatu berritan
Ilara luzeak izan dira Bilboko Marokoren kontsulatuan, Aldizkari Ofizialean migratzaileen ezohiko erregularizazioa argitaratu ostean. Bilbokoa da Euskal Herri osoan eta Espainia iparraldean dagoen Marokoren kontsulatu bakarra.
Oposizioak salatu du Euskadiko Osasun Itunaren balantzea "marketin hutsa" dela
EH Bilduk, PPk eta Sumarrek salatu dutenez, Eusko Jaurlaritzak Euskadiko Osasun Itunaren betetze mailari buruz egindako balantzea "marketin-ariketa” hutsa da, eta Osakidetzan bizi den "errealitatetik oso urrun" dago. Halaber, Euskal Osasun Zerbitzuan dauden arazoak konpontzeko "balio ez" duela aurpegiratu dute, eta, era berean, ituna euskal osasun-sistema "erortzen uzteko koartada" bat dela deitoratu.
Iruñeak Txupinazo Txikia egingo du uztailaren 10ean
Lehen Hezkuntzako ikasleek jaurtiketa egingo dute udaletxetik, sanferminetako Haur Egunean.
Europar Batasunak "teknikoki prest" du adina egiaztatzeko doako aplikazioa, adingabeak sareko eduki kaltegarrietatik babesteko
Helburua da, beranduenez urtearen amaieran, estatu kide guztiek bermatua izan dezatela aplikaziorako sarbidea, Europa mailan tresna bat izan dezaten, gailu mugikorren eta beste batzuen bidez sare sozialetara sartzen diren erabiltzaileen benetako adina egiaztatzeko.
Osasun Itunak jasotako neurrien % 85 martxan daudela adierazi du Martinezek
Alberto Martinez Osasuneko sailburuak nabarmendu duenez, Osasun Itunak jasotako 332 ekimenetatik 282 (% 85) dagoeneko "martxan" daude, eta neurri horien "eragin argia" sumatzen da Osakidetzan.