Erretreta eta danbor hotsak, San Prudentzio bezperako protagonistak, Gasteizen
Artxiboko argazkia: AFA
Dena prest dute Gasteizen eta Araban, San Prudentzio eta Estibalizko Andra Mariaren jaietan bete-betean murgiltzeko.
Urtero legez, erretreta eta danborrada hotsak izango dira San Prudentzio bezperako protagonistak. 20:00etatik aurrera, erretreta joko dute Plaza Berrian. Ondoren, Arabako Foru Aldundiko eta Gasteizko Udaleko tronpetari eta atabalariak Probintzia plazan arituko dira 21:00etatik 22:00etara.
22:00etan Valecea pirotekniak ikuskizuna egingo du Probintzia plazan.
Afalostean, 23:30etik aurrera, elkarte gastronomikoak Probintzia plazan elkartuko dira danborrak astintzeko, eta, ondoren, Gasteizko erdiguneko kaleak alaituko dituzte.
San Prudentzio egunaren bezpera amaitzeko dantzaldia izango da, Arka plazan, Joselu Anaiak taldearen eskutik, 00:30etik aurrera.
San Prudentzio eguna
Bihar, apirilak 28, San Prudentzio eguna, erromeria egingo da Armentiako zelaietan. Ekitaldiak 11:00etan hasiko dira, mezarekin, eta, ondoren ohorezko aurreskua (12:00etan) eta euskal dantzak (12:30) ikusteko aukera izango da.
Tradizioari jarraituz, herri kirolen erakustaldiaz gozatu ahal izango da eguerdian.
Arratsaldean, 18:00etan, Txapela Brava taldeak kontzertua egingo du, eta iluntzean (21:00), berriz, Aldaia Larrein taldearen txanda izango da.
Jaiaren epizentroa Armentia izango bada ere, Gasteizen ere festa usaina atzemango da. 09:00etan, esaterako, Arabako Foru Aldundiko Txistularien bandak eta Tronpetarien eta Atabalarien bandak San Prudentzioko zortzikoa joko dute.
San Prudentzio eta Estibalizko Andre Mariaren jaiak, EITBn
Jaiei hasiera emango dieten erretreta eta danborrada ETB1en eta ETB ONen emango dira. Egoitz Txurrukak aurkeztuko du saio berezia, eta Imanol Artolak egingo du bi ekitaldien kontakizuna.
Halaber, Radio Vitoriak programazio berezia antolatu du. Ohi bezala, San Prudentzio bezperako erretretaren eta danborradaren berri emango du Radio Vitoriak, Unai Ugarteren eta Estibaliz Ruiz de Azuaren eskutik. Hilaren 28an, Armentiako zelaietatik arituko da "Radio Vitoria Gaur" saioko lantaldea. Mertxe Guillenek eta Naroa Balsategik aurkeztuko duten lau orduko irratsaioan eguneko protagonistak elkarrizketatuko dituzte, eta jai-giroa uhinen bitartez zabalduko dute.
Azkenik, maiatzaren 1ean, Isabel Irigoyenek gidatzen duen "Déjate Llevar" saioak adi-adi jarraituko du Estibalizko erromerian gertatzen den guztia.
Zure interesekoa izan daiteke
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Jaurlaritzak eta EHUko errektoreak premiazko bilera egingo dute arratsaldean, Euskara azterketetako zeroen polemikagatik
Unibertsitate eta Hezkuntza sailburuak Joxerramon Bengoetxearekin bilduko dira. Ubarretxena bozeramaileak azkartasuna eskatuz eta zuzenketak unibertsitatearen esku daudela esanez egindako adierazpenen ostean, EHUk erantzun du "prozesu osoa Eusko Jaurlaritzarekin batera" garatzen dela.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.