Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Begoña Pedrosa Hezkuntza sailburua, 2026-2027 ikasturterako Lanbide Heziketaren berritasunak aurkezteko ekitaldian. Argazkia: Irekia
2026-2027 ikasturtean inoiz baino plaza gehiago eskainiko dira Euskal Autonomia Erkidegoko Lanbide Heziketan, 74.963 plaza, eta, lehen aldiz, plazen % 50 emakumeentzat gordeko dira datorren ikasturtetik aurrera.
Begoña Pedrosa Eusko Jaurlaritzako Hezkuntzako sailburuak 2026-2027 ikasturterako Lanbide Heziketaren berritasunak aurkeztu ditu, gaur goizean, Tartangako Lanbide Heziketako ikastetxean egindako agerraldian, Erandion.
Hazkunderik handiena izango duten familia profesionalak hauek dira: Gizarte eta Kultura Zerbitzuak (1.395 gehiago), Fabrikazio Mekanikoa (1.160 gehiago), Administrazioa eta Kudeaketa (665 gehiago), Merkataritza eta Marketina (590 gehiago) eta Instalazioa eta Mantentze-lanak (490 gehiago).
Pedrosak azaldu duenez, Lanbide Heziketako ikasleen % 90ek lana aurkitzen dute ikasketak amaitutakoan.
Bestalde, Euskadiko Lanbide Heziketako plazen % 50 emakumeentzat gordeko dira datorren ikasturtetik aurrera. Ikasle errepikatzaileei, % 33ko desgaitasuna edo handiagoa dutenei, hezkuntza premia espezifikoak dituztenei eta goi-mailako kirolariei gordetako plazak deskontatu ondoren aplikatuko da.
“Emakumeak dira Osasuneko eta Zerbitzu Soziokulturaletako matrikuletan buru, baina ia ez daude Fabrikazio Mekanikoan, Elektrizitatean-Elektronikan eta Instalazio eta Mantentze-lanetan; alegia, lan-eskaera handiagoa duten eta soldata hobeak dituzten sektoreetan. Desoreka historikoa da, eta egoera horren aurrean ezin dugu beste alde batera begiratu", azaldu du Pedrosak.
Gaurtik maiatzaren 22ra bitartean zabalik da datorren Lanbide Heziketan matrikula egiteko epea.
Zure interesekoa izan daiteke
EAEko 800 pazientek onartu dute ebakuntza itunpeko zentro batean egitea
Eusko Jaurlaritzak gutun bat igorri dio formalki Osasun Ministerioari, estatutu propio baterako eskumenen transferentzia aztertzeko bilera bat eskatzeko: “Ministerioak ez badu ezer egiten, eskumenen transferentziaren bidea aztertzeko eskatzen dugu, herritarren osasun-arreta defendatzeko beharrezkoak diren funtzioak erabat bete ahal izateko”.
Igorreko errugbi taldeko presidentea atxilotu dute, ordaindu ez duten Gabonetako loteriaren harira
Administrazio desleialaren delitu bat eta iruzur delitu bat leporatu dizkiote. Izan ere, Arratiko Zekorrak Rugby Taldeak 90693 zenbakiaren hainbat dezimo erosi zituen Gabonetako loterian jokatzeko, eta hirugarren sari bat egokitu zitzaion, baina klubak ez du diru nahikorik saria ordaintzeko, erositakoa baino gehiago saldu baitzuen partizipaziotan "akats baten ondorioz".
Maialen Mazonen familiaren abokatuak ebazpenaren balorazio"gazi-gozoa" egin du, epaimahaiak ez duelako onartu genero indarkeriaren astungarria
Maialen Mazonen hilketaren auziko epaimahaiak emandako ebazpenaren balorazioa egin du haren familiaren abokatuak. Virginia Urtaran abokatuak penaz hartu du epaimahaiak genero indarkeria astungarritzat hartu ez izana.
Prestaketak martxan Bilbon, maiatzaren 22-23ko asteburuan Europako errugbiko finalak hartzeko
Eusko Jaurlaritzak, Bizkaiko Foru Aldundiak eta Bilboko Udalak, kirol-ekitaldi hau bultzatu duten hiru erakundeek, ostiral honetan eman dute mugikortasun eta segurtasun operatiboaren berri.
Pertsona bat larri zauritu da Errekaleorren, okupazio saiakera baten ondorioz
Errekaleor Auzo Askea kolektiboak salatu duenez, dozenaka pertsona sartu ziren goizaldean auzora, makilekin, burdinekin eta harriekin eta hainbat etxebizitzari eraso egin zieten. Pertsona batzuk zauritu ziren, horietako bat larri, garezurra hautsita.
Aiaran 10.500 plakako eguzki-parke bat egiteko baimena eman du Jaurlaritzak
Aiarako Udala ez dago ados 10.500 modulu eta lurrazpiko ebakuazio-linea instalatzea aurreikusten duen parke hori eraikitzearekin. Enpresak 4,1 milioi euroko inbertsioa egingo omen du bertan.
Glutena izan dezaketela ez zenekien 10 produktu (batzuek harritu egingo zaituzte)
Zeliakoa bazara eta glutenik kontsumitu ezin baduzu, kontuz ibili glutena izan dezaketen eta egunero erabiltzen diren 10 produktuekin. EZE Euskadiko Zeliakoen Elkarteak zerrenda egiten lagundu digu, larunbatean (maiatzak 16) Zeliakiaren Nazioarteko Eguna dela eta.
Gorabeherak errepideetan, euriak eta ur putzuek baldintzatuta
Luizi bat gertatu da BI-631 errepidean, Bermeon, eta errei bat itxi dute. Bien bitartean, semaforoa jarri dute bidea txandaka emateko.
Albiste izango dira: Epaimahaiak errudun jo du Maialen Mazon hiltzeaz akusatutako gizona, Tubos Reunidoseko asanblada, abisu horia euriagatik eta krisia Nafarroako Gobernuan
Gaurkoan Orain-en albiste izango direnen laburpena, bi hitzetan.
Herri epaimahaiak errudun jo du Maialen Mazon hiltzeaz akusatutako gizonezkoa
Ebazpenean, ez dira frogatutzat eman defentsak aringarri gisa aurkeztutako argudioak. Hau da, hilketaren unean akusatua alkoholaren eraginpean zegoela edota buru nahasmendua izan zuela ezin dira frogatutzat eman, epaimahaiaren arabera.