Adingabeen suizidio-saiakerak % 22 handitu dira urteko batez beste azken hamarkadan
Pediatriako larrialdietako zerbitzuek ohartarazi dute haurren osasun mentaleko arazoek gorakada handia izan dutela, eta zenbait ospitaletan kasu horiek bikoiztu egin direla azken hamarkadan.
Adingabe bat, hausnartzen. Argazkia: Canva
Gurutzetako Unibertsitate Ospitaleko (Bizkaia) pediatrak “oso kezkaturik” agertu dira, 14 urtetik beherakoen buru-osasuneko kasuen gorakada izan baita Larrialdietan.
Zentroak berak emandako datuen arabera, azken hamarkadan, batez beste, osasun mentaleko larrialdiak % 10 handitu dira urteko, eta etengabe igo dira antsietate-kasuak (% 9) eta agresibitate-krisiak (% 13).
Era berean, 14 urtetik beherakoen suizidio-saiakeren kopurua, batez beste, % 22 handitu da urteko, azken hamar urteetan Gurutzetako Ospitalean, Euskadiko erreferentziazko zentroetako batean.
Espezialistek ohartarazi dute gero eta profil konplexuagoak agertzen ari direla, eta beharrezkotzat jo dute pediatriako larrialdietan prestakuntza espezifikoa indartzea halako kasuei aurre egiteko.
Gainera, adierazi dute larrialdi-zerbitzuek “gizartearen termometro” gisa funtzionatzen dutela, eta haurren osasun mentalean gertatzen ari diren aldaketa sakonak islatzen dituztela, eta baliabide, koordinazio eta prebentzio handiagoa eskatzen dutela.
Datu horiek Espainiako Pediatria Larrialdietako Elkartearen (SEUP) XXX. bileran jorratu dira. Bilera Bilbon egiten ari dira, larunbatera arte, eta 1.000 profesional baino gehiago eta haurren osasunari eta larrialdietako arretari buruzko 700 lan zientifiko inguru biltzen ditu.
Zure interesekoa izan daiteke
Lukas Agirreren amak "bidezko zigorra" eskatu du heriotzaren ardura leporatzen dioten bi akusaturentzat
Emozioari eutsi ezinda, Zuriñe Izkok "barruan duten indarkeria eta gorroto" horretatik aldentzea opatu die bi akusatu nagusiei.
Lizarra ikastolako familiek D ereduko lau ikasgela mantentzea eskatu dute
Guraso talde batek kaleratutako manifestuaren arabera, aurrematrikulen kopuruak ahalbidetzen du datorren ikasturtean D ereduko lau ikasgela izatea HH3n: bina Lizarra ikastolan eta Remontival ikastetxe publikoan.
Abisu horia ezarriko dute euriteengatik, metro karratuko 60 litro arte pila daitezkeelako 24 orduan
Abisua gaur 21:00etan sartuko da indarrean, eta 24 orduz luzatuko da. Horrez gain, Eusko Jaurlaritzak bigarren abisua ezarriko du gauerako, itsasoa zakar ibiliko delako; izan ere, 3,5 metrorainoko olatuak altxatuko ditu.
Sare kriminal bat desegin dute Euskadin kriptodiruko inbertsio faltsuekin 400.000 eurotik gorako iruzurra egiteagatik
Sare sozialen bidez, biktimak bereganatzen zituen, eta kriptodiru-plataforma faltsuetan inbertitzeko konbentzitzen zituzten. Lau atxilotu daude, eta burua omen dena kartzelan sartu dute.
Auto ilarak izan dira N-1 errepidean, Beasain eta Arama artean, Gasteizerako noranzkoan izandako bi istripuren ondorioz
Lau autoren arteko istripua izan da aurrena, Beasasin eta Ordizia artean, eta autoak erretiratu badituzte ere, horrek eragindako auto-ilaretan txapa-istripu bat izan da, eta egoerak korapilatuta jarraitu du.
125 urte, Orion balearen kantua azkenengoz entzun zenetik
125 urte igaro dira euskal balearen azken alea harrapatu zenetik, Orion. Gaur egun, balea-arrantzaren azken pasarte hura mugarri sinboliko bihurtu da herriarentzat. Xabier Alberdi Itsas Museoaren zuzendari zientifikoak egun hartan gertatutakoa azaldu du, eta Euskal Herrian balea-arrantzuak izan zuen garrantzi historikoa azpimarratu du.
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizona hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen egile izan daiteke.