Nola iritsi errepidez Zegama-Aizkorri lasterketaz gozatzera
Seguratik aurrera trafikoa etenda egongo da, baita Otzaurteko mendatea ere.
Milaka pertsona joango dira igande honetan Zegama-Aizkorri mendi maratoi ospetsua ikustera, eta erakunde eta antolatzaileek neurri zorrotzak hartu dituzte trafikoarekin arazorik egon ez dadin eta iritsiera modu atolatuan egin ahal izateko.
Horrela, Segura eta Zegama arteko errepidea itxita egongo da igandean, egoiliarrentzat eta baimendutako ibilgailuentzat izan ezik. Otzaurtetik ere ezin izango da ibilgailu pribatuan jaitsi Zegamara 06:00etatik 14:00etara, eta Foruzaingoak errepidea itxiko du igandeko 00:00etatik 06:00etara.
Hala ere, autobusez iritsi ahal izango da, Seguratik autobusez 06:00etatik 19:00etara, eta Zuazarretatik (Etzegarate gainetik gertu) Otzaurte gainera autobusez joan ahal izango da 06:00etatik aurrera.
Lurraldebusek Beasaingo Renferen geltokiaren eta Zegamaren arteko linea indartuko du asteburu osoan zehar.
Oñatin Arantzazurako igoera aparkaleku guztiak betetzen diren unean itxiko da, eta autobusak egongo dira Arantzazuko Ama kaleko 18. zenbakitik Santutegiraino 07:00etatik aurrera. Jaitsierako azken bidaia 19:30ean izango da.
Bestalde, Zalduondoko Udalak ohartarazi du ezingo dela aparkatu Zumarraundiko bide asfaltatuan, plataforman bakarrik, eta industrialdean aparkatzea gomendatu du, bertatik autobusak egongo baitira 06:00etatik 15:00etara.
Nola igo lasterketa ikusteko
Hori guztia Zegamara sartzeko errepideei dagokienez. Baina lasterketaz gozatzera mendira igotzeko neurriak ere hartu dituzte. Horrela, 6:30etatik 08:00ak arte autobusak aterako dira Zegamako plazatik trenaren geralekuraino. Sancti Spiriturako bidea nondik hartu azalduko dute bertan egongo diren gidek. Ez da beharrezkoa erreserbarik egitea eta autobusak beharrezko itzuliak emango ditu ikusleak tren geltokiraino iristeko.
Oinez ere egin daiteke Zegamatik Sancti Spiriturako bidea. Plazatik hasi eta horiz markatuta dagoen Donejakue Bideari jarraitu besterik ez da egin behar.
Otzaurtetik, berriz, ibilbide luzeko markak ikus daitezke Supporter Point izango den aldapa ezagunera iristeko.
Zure interesekoa izan daiteke
Ramon Lazaro Tudelanoko presidente ohia aske utzi dute behin-behinean, baina Estatutik irteteko debekuarekin
Ikerketaren buru den instrukzioko epailearen ustez, partiden emaitzak moldatzen zituen kirol-ustelkeria sare baten burua da. Zuzendu zuen klubetako dirua bereganatzea ere leporatu dio.
Jose Ignacio Lopez de Arriortua, "Superlopez", hil da
Zornotzarra jaiotzez, automobilgintzan izan zuen ibilbide oparoarengatik izan zen ezaguna.
Martxoaren 3ko sarraskia oroitarazteko artelan berri bat egin dute Gasteizen, jatorrizkoaren gainean
Gasteizko Zaramaga auzoan, Martxoaren 3ko sarraskian oinarritutako jatorrizko muralaren gainean artelan berri bat egin dute. Pinturak 180 metro koadroko azalera hartzen du, eta jatorrizkoaren konposizioa eta aldarrikapen-mezua errespetatzen ditu.
Euskadi eta Nafarroa, % 95etik gorako emaitzekin unibertsitatera sartzeko probetan
24.700 ikasletik gora aurkeztu dira Hego Euskal Herrian, eta hizkuntza-ereduen arabera aldeak nabarmenak dira: Euskadin, euskaraz ikasi dutenen % 96,80k gainditu dute proba, eta gaztelaniazko ereduan %89,71k; Nafarroan, berriz, bi hizkuntza-ereduek %96tik gorako gainditze-tasak izan dituzte.
Honelakoa izango da 4.000 pertsonatik gora bilduko dituen EHUren graduazio-ekitaldia: txapelak, bertsolariak eta Palestinarekiko elkartasuna
Graduazio bateratua egingo du EHUk, estreinakoz, ostiral honetan, San Mamesen. Nøgen eta Janus Lester musika-taldeek eta Maialen Lujanbio eta Amets Arzallus bertsolariek girotuko dute ekitalditzarra.
EAEko Justizia Auzitegi Nagusiak berretsi egin du adingabeei sexu-hurbilketa egiteagatik Irungo irakasle bati ezarritako zigorra
Epaimahaiak atzera bota du irakasleak Gipuzkoako Probintzia Auzitegiaren epaiaren aurka jarritako errekurtsoa, eta 4 urte eta erdiko kartzela-zigorra bete beharko du, eta, behin irtenda, lau urtez egongo da zaintzapean aske. Ebazpena ez da irmoa, eta errekurritu egin daiteke, Auzitegi Nagusian bertan.
Nahi duzun karrerara sartzeko gutxieneko nota atera ez baduzu, zer egin?
Nahi den karreran sartzeko gutxieneko nota ez lortzeak ez ditu ate guztiak ixten, eta itxarote-zerrendak, antzeko graduak eta Lanbide Heziketa aukera baliagarriak izan daitezke. EHUko eta Batxilergoko orientatzaileek eta Lanbide Heziketako adituek adierazi dutenez, ikasleek bide alternatiboak dituzte nahi duten karrera horretan sartzeko.
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.