EAEko 800 pazientek onartu dute ebakuntza itunpeko zentro batean egitea
Eusko Jaurlaritzak gutun bat igorri dio formalki Osasun Ministerioari, estatutu propio baterako eskumenen transferentzia aztertzeko bilera bat eskatzeko: “Ministerioak ez badu ezer egiten, eskumenen transferentziaren bidea aztertzeko eskatzen dugu, herritarren osasun-arreta defendatzeko beharrezkoak diren funtzioak erabat bete ahal izateko”.
Kirurgia hepatikoa, Gurutzetako ospitalean. Artxiboko argazkia: Osakidetza
Ebakuntza kirurgiko baten zain 150 egun baino gehiago zeramatzaten 800 pazientek onartu egin dute itunpeko zentro batera bideratzea. Neurri horri esker, itxaron-zerrenda handitzea geldiarazi, eta premiazko kasuak artatzea bermatu dute, Eusko Jaurlaritzako Osasun Sailak ostiral honetan jakitera eman duenez.
Alberto Martinez Eusko Jaurlaritzako Osasun sailburuak azpimarratu duenez, "lehentasuna pazienteen segurtasuna eta arreta bermatzea da”, eta haien eskura jarri ditu eskura dauden aukera guztiak.
Azken asteotan medikuek Osasun Ministerioak proposatutako estatutuaren aurka Estatuan egindako grebak eragin handia izan du itxaron-zerrendetan. 2025eko abenduaz geroztik izan diren greba-asteek zuzeneko eragina izan dute asistentzia-jarduera publikoan, eta atzerapenak areagotu egin dira. Hori dela eta, Osasun Sailak lehentasuna eman behar izan dio paziente kalteberenak artatzeari, eta deribazioaren aukera eskaini die hori onartu dutenei.
Osasun sailburuak azaldu duenez, hiru aste baino gehiago iraun duen grebaren ostean, eta ez dela amaitu ikusita, 180 egunetik gora itxaron behar duten pazienteak 1.800 dira jada.
Lan-gatazkari dagokionez, sailburuak kritikatu egin du Osasun Ministerioaren eta estatutuaren inguruko greba-batzordearen arteko negoziazioan aurrerapausorik eman ez izana, eta, adierazi duenez, “azken hilabetean ez da elkarrizketarik egin”. Hortaz, Eusko Jaurlaritzak "irekita ditu herritarrak babesteko aukera guztiak". Martinezek azpimarratu du Sailaren lehentasunak pazienteen segurtasuna eta arreta bermatzea direla.
Egoera horren aurrean, iragarri du Eusko Jaurlaritzak gutun bat bidali diola formalki Osasun Ministerioari bilera bat eskatzeko, estatutuari lotutako eskumenak Eusko Jaurlaritzako Osasun Sailari transferitzeko aukera aztertzeko. "Ministerioak ez badu ezer egiten, eskumenen transferentziaren bidea aztertzeko eskatzen dugu, herritarren osasun-arreta bermatzeko beharrezkoak diren funtzioak erabat bete ahal izateko", esan du.
Martinezek ohartarazi du azken asteetan ez dela inolako elkarrizketarik egon Ministerioaren eta medikuen ordezkarien artean, eta, ezer aldatu ezean, baliteke beste bi asteko lanuztea izatea datorren hilabete eta erdian, "greba mugagabea baztertu gabe".
Azkenik, Martinezek gogorarazi du aste honetan bertan Osasun Ministerioak egindako txosten ofizialaren arabera Euskadi dela osasun-arloan gehien inbertitzen duen autonomia-erkidegoa, bai biztanleko, bai profesionaleko.
Zure interesekoa izan daiteke
Leon XIV.a aita santua sexu-abusuen biktimekin bilduko da Espainian
Vatikanoak ez du topaketari buruzko xehetasun gehiagorik eman. Aita santuak Madril, Bartzelona, Kanaria Handia eta Tenerife bisitatuko ditu bihartik ekainaren 12ra bitartean.
10 urte geroago, sokamuturrak itzuliko dira Eibarko Untzaga plazara
40 bat elkartek atzerapausoa dela salatu dute, eta elkarretaratzea deitu dute ekainaren 16rako. Herritarren artean, aldeko eta kontrako iritziak daude.
Azken agurra eman diete Iruñean Elgoibarko istripuan hildako bost foruzainei
Maria Chivite presidentea buru, jende andana joan da Iruñeko katedralera, Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont agenteei azken agurra eman eta haien senideak babestera.
Xenpelar auzian Udalak izandako jokabidea berretsi du Errenteriako alkateak Fiskaltzaren aurrean
Aizpea Otaegik agerraldia egin du Adingabeen Fiskaltzaren aurrean, Xenpelar auziaren harira, eta Udalak balizko genero-indarkeria kasuen aurrean egindako kudeaketa babestu du. Azpimarratu duenez, beharrezkoa da lanean jarraitzea biktimak babestu eta antzeko egoerak saihesteko.
Konpondu dira A-8 autobideko zirkulazioa zaildu duten auto-ilarak
Arratsalde korapilatsua izan da A-8 autobidean, Kantabriarako noranzkoan, lau istripu gertatu baitira bideko hainbat puntutan. Trafikoa normaltasunera itzuli da arratsalde erdian, 18:20 aldera.
Errugabe jo ditu epaileak Zestoako gizon baten integritate moralaren kontrako delituengatik epaitutako seiak
Abenduan egin zen epaiketa. Gizonezko batek osotasun moralaren aurkako delitua leporatu zien bikotekide ohiari eta beste bost herritarri, eta espetxe zigorra eta isunak eskatu zituen. Akusatuetako lau neskaren lagunak dira, eta bostgarrena, egun Zestoako alkate den Mikel Arregi. Epaileak absolbitu egin ditu guztiak.
Bilbok minbiziaren aurkako bigarren martxa hartuko du ekainaren 14an
Antolatzaileek espero dute 2.500 pertsona baino gehiago batzea hitzordu solidario horretan. Bizi-ohitura osasungarriak sustatzea izango du helburu, eta minbiziaren prebentzioaren eta ikerketaren garrantziaz kontzientziatzea, bereziki gizonezkoak.
Konponduta daude Lasarte-Orian eta Abanton izandako trafiko eragozpenak
Ostiral goizeko lehen ordua konplikatua izan da euskal errepide sareko puntu askotan, istripuak izan baitira han eta hemen, baina egoera bere onera itzuli da jada denean.
Emakume bat atxilotu eta bi ikerketapean dituzte Gipuzkoan adinekoei bitxiak lapurtu eta 11.000 euro baino gehiagoren truke saltzeagatik
Atxilotutako emakumeak zaintzaile gisa egiten zuen lan adinekoen egoitzetan eta etxebizitzetan, eta bertan lapurtzen omen zituen bitxiak. Ertzaintzak pieza ugari berreskuratu ditu Azpeitian egindako miaketa batean.
Debekuaren aurrean, "haurrei udaldi polit eta lasai bat" eskaintzeko "lanean" ari dela esan du Euskal Udalekuak elkarteak
Elkarteak mezua bidali die udaldia Bernedoko udalekuetan igarotzeko eskaera egin duten 200 familiei, eta azaldu die "abokatuarekin lanean" ari direla haur eta familientzako "aukera eta alternatiba egokienak diseinatzeko". Arabako Foru Aldundiak debekua ezarri ostean Instagram sare sozialean elkarteak duen profilean mezua partekatu du, "triste eta kezkatuta" daudela esanez eta salatuz "legezko betekizun guztiak bete arren" ukatu diotela Dorrekoa elkarteari udalekuak antolatzeko aukera.