Barinatxe hondartzara sartzeko arrapala itxita egongo da, luizi arriskua dagoelako
Sopelako Udalak itxita izango du sarbidea Barinatxe hondartzako arrapalatik, mendi-hegalean luiziak gertatzeko arriskua baitago. Oinezkoak eskaileretatik bakarrik jaitsi ahalko dira bertara.
Hondartza-denboraldia hastearekin batera jakinarazi dute Sopelako Barinatxe hondartzara sartzeko arrapala itxita egongo dela, mendi-hegalean luizi bat izateko arriskua baitago. Sopelako Udalak jakinarazi duenez, hondartzarako oinezkoak eskaileretatik bakarrik jaitsi ahalko dira bertara.
Azken txosten teknikoaren arabera, hegalak mugimenduak erregistratzen jarraitzen du neguko euriteen ondorioz. Gainera, dokumentuak jasotzen du Sopelako Udalak modu subsidiarioan 2024an egindako egonkortzeak zuzena izaten jarraitzen duela eta aurtengo urtarrilean izandako lerraduraren zati bat Bizkaiko Foru Aldundiak kendu duela.
Unai del Burgo jarduneko alkateak azaldu duenez, Udalak segurtasun protokoloari eutsiko dio istripuak saihesteko, eta zonaldean dagoen hesia errespetatzeko eskatu die herritarrei.
Arrapala itxita dagoen bitartean, Udala bera arduratuko da sarbidea garbitzeaz. Gainera, Udaltzaingoak eta Obretako Brigadak egunero zaintza-lanak egingo dituzte egoera kontrolatzeko.
Udalak zehaztu duenez, larrialdietako ibilgailuek eta hondartzak garbitzeko zerbitzuek bakarrik erabili ahal izango dute arrapala.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
