Bizkaian, Burgosen eta Toledon jarduten zuen eta ketamina eta fentaniloa banatzen zituen sare kriminal bat desegin dute
Makrooperazioaren ondorioz, 16 pertsona atxilotu dituzte (horietako 8 Bizkaian), eta substantzia estupefazienteen 160.000 dosi inguru atzeman dituzte, tartean 18,5 kilo ketamina. Aizundu gabe, 2.400.000 euroko balioa izango luke horrek guztiak merkatu beltzean.
Guardia Zibilak droga-trafikoan jarduten zuen eta dirua zuritzen zuen erakunde kriminal garrantzitsu bat desegin du eta 16 pertsona atxilotu ditu Burgosen, Bizkaian eta Toledon, lau probintziatan egindako makrooperazio batean. Operazio horretan, 160.000 estupefaziente dosi baino gehiago eta arma ugari atzeman dituzte, eta talde oso arriskutsua zela adierazi du Guardia Zibilak.
Burgosko Komandantziako Polizia Judizialeko Unitate Organikoak gidatu du operatiboa, eta 300 pertsonak hartu dute parte Burgosen, Bizkaian, Kantabrian eta Toledon aldi berean egin diren operazioetan.
Maiatzaren 26an, asteartean, 16 miaketa egin ziren aldi berean, 15 etxebizitzatan eta 1 industria-nabe batean, Bizkaian (9), Burgosen (5), Kantabrian (1) eta Toledon (1). Horiei esker, 160.000 estupefaziente dosi baino gehiago atzeman ziren. Merkatu beltzean 2,5 milioi euroko balioa izango lukeela kalkulatu dute.
Atzemandako substantzien artean, honako hauek nabarmentzen dira: fentanilo injektagarriko 10 anpoila (Burgosen ez da orain arte halakorik atzeman), 9.184 gramo kokaina arrosa, 179 gramo kokaina, 3.001 gramo speed, 18.648 gramo ketamina, 850 unitate anfetamina/estasi, 3.495 gramo haxix, 24.280 gramo marihuana, 325 farmako unitate eta 350 gramo substantzia.
Era berean, horiek ekoizteko, lantzeko, pisatzeko eta dosifikatzeko tresnak eta materiala atzeman dira. Hori dela eta, Guardia Zibilak uste du desegin egin dutela 3 laborategi klandestino eta indoor marihuana-plantazio bat, baita droga saltzeko 15 gune ere, Burgosen, Bizkaian, Toledon eta Kantabrian.
Polizia-operazioari esker, erakunde kriminaleko 16 kide atxilotu dituzte, horietako 8 Bizkaian, 28 eta 62 urte bitartekoak. Horietako 4 kartzelan sartu dituzte jada, eta 6 epailearen esku geratuko dira gaur; litekeena da horiek ere espetxera bidaltzea, etxean atzeman dieten materiala dela eta.
Guardia Zibilak gaineratu duenez, 3 pistola, errebolber bat eta 200 kartutxo ere atzeman dizkiete, eta horrek agerian uzten du taldea arriskutsua zela. Armak ordaintzen ez zuten bezeroak beldurtzeko erabiltzen omen zituzten, baita defendatzeko ere, eta 3 ibilgailu, ekipo informatikoak eta 6 telefono ere atzeman dizkiete, baita 62.000 euro baino gehiago eskudirutan ere.
Zure interesekoa izan daiteke
Haurdunaldian ematen den genero indarkeria kasuak osasun-kontsultei esker identifikatu daitezke
Haurdunaldian emakumeek harreman estua izaten dute osasun-sistemarekin: emaginarekin, ginekologoarekin eta erizainarekin dituzte kontsultak. Hilabete horiek giltza izan litezke genero-indarkeria egoerak identifikatzeko. Osasun eta gizarte-arloen aldetik erantzun koordinatua emateko beharra aldarrikatu dute adituek Donostian, “Indarkeria eta amatasuna” izeneko udako ikastaroan.
Einar Galilea euskal futbolariaren aurkako pintadak agertu dira Malagan, Argentinako kamisetarekin bere irudia zabaldu ostean
Irainez betetako pintadak Rosaledatik gertu agertu dira, Espainia eta Argentinaren arteko Munduko Txapelketako finalaren ostean. Malagako jokalariaren argazkia sare sozialetan zabaldu da, baina ez dago argi noiz ateratakoa den.
Agur terrazetan eta hondartzetan erretzeari: honelakoa da tabakoaren aurkako lege berria, bapeagailua eta zigarroa parekatzen dituena
Espainiako Gobernuak onartutako lege berriak debekatu egingo du terrazetan eta hondartzetan erretzea eta bapeatzea. Izan ere, zigarreta elektronikoa eta tabako tradizionala parekatu eta 600 eurorainoko isunak aurreikusten ditu.
Bi begirale atxilotu dituzte Biarritzen, hiru eta lau urteko haurrak bortxatzea eta sexu-erasoak egitea leporatuta
Baionako Fiskaltzak jakinarazi duenez, orain arte jasotako testigantzen arabera, 12 sexu-eraso kasuren eta bortxaketa baten zantzuak aurkitu dituzte, eta ez dute baztertzen gehiago izatea.
Alga asiarra: gure kostaldeko itsas hondoa hartzen ari den alfonbra berdea
Alga hori gure hondartzetan zabaltzea ageriko zatia baino ez da. Izan ere, alga asiarra gure itsas hondoan alfonbra berdeak osatzen ari da. Haren hedapenak biodibertsitatea mehatxatzen du, eta hura kontrolatzeko erronka berriak sortu ditu.
Espainiako Gobernuak behin betiko onartu du terrazetan eta hondartzetan erretzea debekatzen duen tabakoaren aurkako legea
Araudi berriak zigarro elektronikoak eta bapeagailuak ohiko tabakoarekin parekatu ditu, kerik gabeko guneak zabalduko ditu eta produktu berrien salmenta establezimendu espezializatuetara mugatuko du.
Euskal Encounterrek 5.000 parte-hartzaile inguru eta 4.000 ordenagailutik gora bilduko ditu BECen
Makrohitzordu teknologikoa uztailaren 23tik 26ra egingo da eta arreta berezia eskainiko zaio adimen artifizialari eta ordenagailu kuantikoari.
Bi emakume hil dituzte azken 24 orduetan beren bikotekide edo bikotekide ohi gizonezkoek Malagan eta Toledon
Emakumezkoek 30 eta 45 urte bitartean zituzten, eta euren bikotekideek eraso eginda hil dira. Gizon bat atxilotu dute, eta besteak bere buruaz beste egin omen du. Guardia Zibila beste kasu bat ikertzen ari da Malagan. Beste emakume bat hilik aurkitu zuten astelehen gauean Almoradin (Alacant), baina autopsiaren arabera, arrazoi naturalengatik hil zen.
Lekeitioko uharteko moilan erreskatatua izateak 1.500 eurorainoko faktura ekar dezake
2025eko lege-dekretu batek jasotzen duenez, erreskate-operatiboaren kostua erreskatatutakoaren gain utzi ahal izango da, baldin eta erreskatea arriskutsutzat seinaleztatutako gune batean egiten bada; duela aste batzuetatik, Lekeitioko uharterako moilak baldintza hori betetzen du.
Amaitu dira goizeko ilarak A-8an, Muskiz parean
Istripuak errei bat ixtea eragin du Santanderrerako noranzkoan eta une batean 5 kilometrokoak izan dira auto-ilarak, eguerdiko 12:00ak aldera errepidea berriro zabaldu duten arte.