Urnietako mendizale bat hil da Pic du Midi d'Ossautik jaisten ari zela
24 urteko gaztea 20 metro inguruko altueratik erori da beste lagun batzuekin Pic du Midi d 'Ossaun behera zihoala.
Pic du Midi D'Ossau. Argazkia: Philippe Serrand
Urnietako (Gipuzkoa) 24 urteko gazte bat hil da larunbat honetan, beste mendizale batzuekin batera Pic du Midi D'Ossau menditik jaisten ari zela, ICI-k zabaldu eta EITBk baieztatu ahal izan duenez.
Gaztearekin zihoazen mendizaleek erreskatatzaileei azaldu zietenez, zazpi bat mendizaleko taldea 14:00ak aldera hasi zen Pirinio Atlantikoetako tontor enblematiko horretatik jaisten. Rapel egiten ari zirela, gazteak irrist egin eta 20 bat metroko altueratik erori zen, aitz batzuk jo arte.
Lagunek laguntza eskatu zuten, baina mendiko erreskate taldeak gaztearen heriotza baieztatu besterik ezin izan zuen egin. Gertakariaren nondik norakoak ikertzen ari dira orain.
Zure interesekoa izan daiteke
Egonkortu dute jada Gironako Les Gavarreseko sutea
Bertan jarraitzen dute 475 suhiltzailek, eta, Espainiako Armadarekin batera, sua kontrolatzen eta itzaltzen saiatzen ari dira. Zeregin horrek oraindik egun batzuk iraungo ditu.
Sanferminetako txupinazoa
Gironako sutearen bilakaera ona da eta gauean zehar egonkortzea aurreikusten dute
Larunbat arratsaldeko azken orduan, Salvador Illa Generalitateko presidenteak iragarri du, "zuhurtzia osoz", Gironako Les Gavarreseko sutearen bilakaera ona dela eta suhiltzaileek gauean egonkortzea aurreikusten dutela. Suak 2.200 hektarea kiskali ditu eta 12.000 pertsona konfinatuta daude.
Sanferminetan ere indarkeria matxistaren kontra borrokatzeko aldarria ozen entzun da Iruñeko kaleetan
Itaia emakumeen mugimendu sozialistak deituta, manifestazio jendetsua egin dute arratsaldean Nafarroako hiriburuan. La Manada auziaren 10. urtemugan eta matxismoa gogortzen ari den honetan, antolatzeko eta borrokatzeko deia egin dute ehunka gaztek.
Manteroen aldeko kolektiboek "manteroak zapaltzeko mekanismo gaiztoa" salatu dute Bilbon
Beste bizibiderik ez duten manteroei isunak eta espetxe zigorrak ezartzen dizkieten bitartean, eta udaltzaingone jazarpena pairatzen duten bitartean, falsifikazioaren negozioaren konplize diren marka handiek poltsikoak betetzen dituztela salatu dute hainbat mantero eta herritarrek Mbolo Moye Doole eta Manteroekin Bat kolektiboek deitutako protestan.
San Fermin usaina dario jada Iruñeari
Txupinazorako egun gutxi falta diren honetan, kolore zuri-gorria nagusitzen hasi da Nafarroako hiriburuan. Ostalariak eta dendariak lanpetuta daude, prestaketa lanei azken ukituak ematen.
La Manada auziaren prozesu judizialak gizartearen haserrea piztu zuen
Bi auzitegik ez zuten ez larderiarik ez indarkeriarik ikusi 2016ko uztailaren 7an bost gizonek emakume bati egindako talde-erasoan, eta 2018an abusuagatiko zigorra eman zuten. Bitartean, kaleetan, Iruñean aurrena eta estatu osoan gero, oihu bat zabaldu zen: "Ez da abusua, bortxaketa da". Azkenean, aldarri zena, epai irmo batean islatu zen.
Gazte bat atxilotu dute Urretxun, pisukideari labanaz eraso egitea egotzita
Biktima, 23 urtekoa, Zumarragako Ospitalera eraman dute, aurpegian eta bularraldean zituen ebakiak sendatzeko.
Bypassa ezarri dute N-1 errepidean, Tolosa parean eta Donostiarako noranzkoan, igandera arte
Zorua hobetzeko lanak tarteko, bide zati horretan errei bakarra izango da noranzko bakoitzean.