Gironako sutea % 70ean egonkortzea lortu dute, eta etxe bat eta masia bat erre ditu bart
Generalitateko suhiltzaileek sutearen eskuineko aldearen zati handi bat kontrolatzea lortu dute, eta guztiz egonkortzen saiatuko dira eguerdira arte, itsasaldeko haizea sartu arte. 2.300 hektarea erre ditu suak, baina ez da inor zauritu.
La Bisbal d’Empordan (Girona) atzo piztutako sutearen eskuineko zatiaren % 70 egonkortzea lortu dute goizaldean Generalitateko suhiltzaileek, David Borrel suhiltzaile buruak gaur jakinarazi duenez. Dena dela, garrek etxe bat eta masia bat erre dituzte. Zorionez, baina, ez da inor zauritu.
Kazetarien aurrean egindako adierazpenetan, Borrelek azaldu du itsasaldeko haizea sartu arte, eguerdira arte, eskuineko zati hori guztiz ixten saiatuko direla. Zati horretan daude garrak bizien, eta hori dela-eta hartu dituzte prebentzio neurriak (konfinamendua ezarri dute zazpi herritan).
Les Gavarres parke naturala itxi dute
Borrelen hitzetan, “ondo” ari dira lanean, baina oraindik asko dago egiteko. Bart 100 hektarea erre dira, eta sutea piztu zenetik, 2.300 hektarea kiskali dira, Les Gavarres parke naturalaren mendigune guztia.
Hain justu, babestutako eremu hori itxi egingo dutela iragarri du Salvador Illa Kataluniako presidenteak. Les Gavarresek 30.000 hektarea ditu, eta Illak ohartarazi duenez, "kasurik okerrenean" osorik erre daiteke.
Suhiltzaileen lan eskerga gorabehera, garrak Calonge herrira heldu dira bart, eta etxe bat erre da —hutsik zegoen—; gainera, kalteak daude lorategietan eta hainbat eraikinetako itxiduretan.
Ezkerreko zatian, masia bat erre da.
Zazpi herri konfinatuta
Borrelek zehaztu duenez, oraindik indarrean dago eremu horretako zazpi herritan ezarritako konfinamendua. Goizaldean Calonge herrira iritsi dira garrak, eta hainbat bizilagun etxetik atera omen dira. Suhiltzaile buruaren arabera, jarrera hori ulertzekoa da, “urduritasuna tarteko”, baina azpimarratu du “seguruena” etxe barruan egotea dela.
Horren harira, gogora ekarri du duela urte batzuk Portugalen gertatutakoa: garretatik ihesi, errepidera atera eta bertan hil ziren 200 bat bizilagunena
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.