Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
Iranek larunbat honetan hasi ditu Ali Khamenei buruzagi gorenaren aldeko hileta publikoak. Duela lau hilabete baino gehiago, otsailaren 28an, AEBk eta Israelek, gerraren lehen egunean, egindako erasoetan hildako buruzagiari agur esatera miloika pertsona bertaratzea espero dute.
Goizeko lehen orduetatik, milaka pertsona iritsi dira Teherango Mosalako meskitara, 36 urte baino gehiagoz Errepublika Islamikoa zuzendu zuenari azken agurra ematera.
Bertaratutako askok Irango banderak eta Khameneiren erretratuak daramatzate, eta beste batzuek mendekua eskatzen dute, malko eta bularreko kolpeen artean.
Buruzagi goren ohiaren hilkutxa lau seniderekin batera (alaba, biloba, suhia eta erraina) dago eszenatokiaren gainean.
"Kill Trump" ("Trump hil") ingelesezko esaldia duen bandera gorri bat ere nabarmentzen da.
Mosalako meskitako hileta-ekitaldiak igandeko 20:00ak arte jarraituko du, eta Irango agintariek espero dute 20 milioi pertsona inguruk parte hartuko dutela buruzagi goren ohiaren agur-ekitaldietan.
Astelehenean, hileta-segizioa Irango hiriburuan barrena ibiliko da; asteartean Qom hiri santura joango da, eta asteazkenean Iraken jarraituko du.
Azkenean, ostegunean, Khamenei Mashad hiri sakratuan lurperatuko dute, herrialdearen ipar-ekialdean, Reza imamaren mausoleoan.
Atzo Khameneiren omenezko zeremonia bat egin zuten, eta bertan izan ziren Irango eta atzerriko goi-kargudunak, Pakistango eta Armeniako lehen ministroak, Irakeko, Tayikistango eta Georgiako presidenteak eta Errusia, Txina, Siria, Libano, Afganistan, Maroko, Qatar, Oman, Saudi Arabia, Nikaragua eta Kubako ordezkariak, besteak beste.
Zure interesekoa izan daiteke
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.