Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Bernedoko udalekuen lekua. Argazkia: EFE
Gasteizko Administrazioarekiko Auzien 1. Zenbakiko Epaitegiak berretsi egin du Arabako Foru Aldundiak Sarrea Euskal Udalekuak elkartearen aurka ezarritako gaitasungabetzea bertan behera uztea. Neurri horrek Bernedon (Araba) haur eta gazteen aisialdiko jarduerak egitea galarazten zion elkarteari.
Epaitegiak atzera bota ditu aste honetan Aldundiak aurkeztutako alegazioak, eta antolatzaileen aldeko hasierako neurria berretsi du, iturriek jakitera eman dutenez.
Babes judizial hori jaso arren, Sarrea Euskal Udalekuak iragarri du aurten ez dituela udalekuak egingo Bernedon. Elkartearen esanetan, epaia zer norabidetan joango zen aurreikustea ezinezkoa zenez, alternatiba ezberdinak eskaini zizkieten seme-alabak kanpaleku horietara bidali nahi zituzten familiei, eta horiei eustea erabaki dute.
Arabako Foru Aldundiak elkartea gaitasungabetu eta 9.000 euroko isuna ezarri zion, eta, horrez gain, aurten kanpalekuak antolatzeko baimenak ukatu zizkion. Epai honekin, ordea, zigor horiek baliogabetuta geratu dira, Aldundiak hartutako neurriak “gehiegizkoak” izan zirela iritzita.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
