1.000 agente baino gehiago izango dira aurten Baionako bestetan segurtasuna bermatzen
1.150 polizia eta agente pribatu eta babes zibileko eta osasun arloko 300dik gora osasun langile izango dira uztailaren 15etik aurrera Baionako bestetan segurtasuna bermatzen. Gaur aurkeztu dute jaietako segurtasun dispositiboa, eta agintariek azpimarratu dute helburu nagusia dela duela urte batzuk izandako bortizkeria kasuak eragoztea, baita sexu erasoak ere. Horretarako, agenteez gain, bideozaintzako 150 kamera jarriko dituzte martxan.
Iaz mozkortutako adingabeekin gorabeheraren bat izan zela eta, aurten kontuz ibiltzeko deia egin du Mariel Garrigos Baionako fiskalburuak. "Adingabeen babesa gure lehentasuna da. Ez ditugu gurasoak beldurtu nahi, baina ohartarazi nahi ditugu duten arduraz", adierazi du prentsaurrekoan.
Aurtengo jaiek munduko futbol txapelketarekin bat egiten dute, eta iragarri dute Frantziak jokatzen duen egunetan segurtasun dispositiboa indartuko dutela. Gainera, pantaila erraldoi bat paratuko dute Baiona Ttipian.
Azkenik, beroagatik alerta ezarriko balitz, nabarmendu dute prest dituztela gailu fisiko eta mugikorrak jendea busti ahal izateko. Neurriak ezarritako alerta mailaren arabera ezarriko dituzte.
Milioi bat pertsona baino gehiago espero dituzte Lapurdiko hiriburuan uztailaren 15etik 19ra. Aurreko urteetan bezala, 15 euro kobratuko dizkiete festagunera sartu nahi dutenei; zortzi sarbide izango dira, hertsiki zainduak.
Zure interesekoa izan daiteke
5 graduko lurrikara batek Granada astindu du goizaldean
Lurrikarak Alhendinen izan du epizentroa, eta 112 larrialdi-zerbitzuak 200 dei baino gehiago jaso ditu; gainera, hamabost bat erreplika izan dira Granadako Vega inguruan, baina ez da inor zauritu.
11 pertsona intoxikatu dira Vianako kirolgunean kloro-gasa arnastuta
Kaltetuetako bi 5 eta 9 urteko haurrak dira, eta pronostiko erreserbatua dute.
Llantenoko baso-sutea larunbat honetarako kontrolpean izatea espero dute suhiltzaileek
Datozen egunotan inguru horretara joan beharko dute, eremua hozteko eta garrak berriro piztu ez daitezen zaintzeko. Larunbatera begira, bost helikoptero izango dituzte berriro lanean.
Ebroko Konfederazioak arroaren ia osoan bat-bateko ur-goraldien arriskuaz ohartarazi du
Ostiral arratsaldean, honako hauek dira eraginak jasateko probabilitate handiena duten eremuak: Araba, Nafarroa, Kantabria, Burgos, Soria, Errioxa, Aragoi, Katalunia eta Castelloko probintzia.
11.200 hektarea baino gehiago erre ditu Las Peñas de Riglos Huescako udalerriko suteak
Suak San Juan de la Peña monasterio zaharra inguratu du (egitura ez da kaltetu) eta monasterio berrira hurbildu da. Gizon bat atxilotu dute, sua eragin duelakoan.
Itzulera Operazioa abian jartzeko eskatu dio Irunek Eusko Jaurlaritzari, AP-8 autobidean auto-ilara luzeak sortu ostean
Udalerriak plan berezia aktibatu du, eta, horren arabera, bertako ibilgailuek baino ezin dute erdigunetik zirkulatu. Cristina Laborda alkateak Eusko Jaurlaritzari eskatu dio dagoeneko abian jar dezala dispositibo berezia, pilaketek udalerria "kolapsatzea" saihesteko.
Barrakak zabalik daude jada Bilbon: Etxebarria parkea berriz ere atrakzioz bete da
Egunero irekiko dira, 17:00etan, irailaren 6ra arte. Horien artean, helduentzako hamabi atrakzio, haurrentzako hamahiru, sei txurro-denda, hainbat motatako hamazazpi postu eta terraza duten lau taberna izango dira, baita ikuskizunak, trebetasun-jokoak eta ausazko jokoak ere.
Kaleko Afari Solidarioak (KAS) herri ekimenak boluntarioek pairatzen duten "kriminalizazioa eta jazarpena" salatu, eta komunikazioa eskatu dio Donostiako Udalari
Horren ordezkariek azpimarratu dutenez, "ez dago, gaur egun, afari solidarioen pareko alternatibarik", eta udal-baliabideak ez dira nahikoak.
Osakidetzak 129 pertsona artatu ditu eklipsearen ondorioz begietako arazoak izan dituztelako
Ostiral honetan, 70 pertsona joan dira Euskadiko osasun-zerbitzuetara begietako sintoma arin edo oso arinekin.
'Sokamuturra Ez' taldeak probara ez joateko eskatu du Getxon, eta "animalien sufrimendurik gabeko" jaien alde egin du
Sokamuturra ordezkatzeko jai batzordearekin negoziatzen saiatu dela esan, eta "parte-hartzea ezin da sufrimenduan oinarritutako jarduera bati eusteko aitzakia izan", nabarmendu du elkarteak.