Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Andaluziako Juntaren arabera, linea elektrikoko zutoin bat erortzean piztu zen Los Gallardoseko (Almeria) baso sutea. 12 pertsona hil dira, eta 23ren berririk ez dago.
Antonio Sanz Andaluziako Larrialdi kontseilariak eta Juanma Moreno Juntako presidenteak, biek, azaldu dute sua errepide bazter baten hasi zela. Bi puntatan argindarra zuen kable apurtu bat errepidera jausi, eta alde banatan, sutea piztu zen. Hasiera batean, "hiri sute" gisa hartu zuten, eta suhiltzaileak amatatzera joan baziren ere, arin batean hedatu zen, haize biziaren ondorioz. Morenok gogorarazi duenez, haizea da suaren "erregai perfektuenetakoa".
Garrek "mendi hegalean gora egin zuten, ipar-ekialdera", orduko 50 kilometroko haize boladek bultzatuta. "Bi ordu eskasean 15 kilometrotan barrena zabaldu zen sua", adierazi du Morenok.
Nolanahi ere, Red Electricak nabarmendu du sutea eragin duen goi-tentsioko linea ez dela berea. X sare sozialean eskegitako mezu batean doluminak eman dizkie biktimen senitartekoei eta larrialdiko langileen lana goraipatu du.
Bestalde, Endesako iturriek Europa Press albiste agentziari jakinarazi diotenez, konpainiako teknikariak 02:00ak aldera joan ziren Los Gallardosera. Baina adierazi dute linea ez dela eurena. "Kablea azpiegitura pribatu batena zen, eta ez zeukan argindarrik", erantsi du.
Ingurumari horretan, Juanma Moreno presidenteak iragarri du "erantzukizunak" eskatuko dizkiela linearen jabeei, mantenu faltagatik".
Zure interesekoa izan daiteke
5 graduko lurrikara batek Granada astindu du goizaldean
Lurrikarak Alhendinen izan du epizentroa, eta 112 larrialdi-zerbitzuak 200 dei baino gehiago jaso ditu; gainera, hamabost bat erreplika izan dira Granadako Vega inguruan, baina ez da inor zauritu.
11 pertsona intoxikatu dira Vianako kirolgunean kloro-gasa arnastuta
Kaltetuetako bi 5 eta 9 urteko haurrak dira, eta pronostiko erreserbatua dute.
Llantenoko baso-sutea larunbat honetarako kontrolpean izatea espero dute suhiltzaileek
Datozen egunotan inguru horretara joan beharko dute, eremua hozteko eta garrak berriro piztu ez daitezen zaintzeko. Larunbatera begira, bost helikoptero izango dituzte berriro lanean.
Ebroko Konfederazioak arroaren ia osoan bat-bateko ur-goraldien arriskuaz ohartarazi du
Ostiral arratsaldean, honako hauek dira eraginak jasateko probabilitate handiena duten eremuak: Araba, Nafarroa, Kantabria, Burgos, Soria, Errioxa, Aragoi, Katalunia eta Castelloko probintzia.
11.200 hektarea baino gehiago erre ditu Las Peñas de Riglos Huescako udalerriko suteak
Suak San Juan de la Peña monasterio zaharra inguratu du (egitura ez da kaltetu) eta monasterio berrira hurbildu da. Gizon bat atxilotu dute, sua eragin duelakoan.
Itzulera Operazioa abian jartzeko eskatu dio Irunek Eusko Jaurlaritzari, AP-8 autobidean auto-ilara luzeak sortu ostean
Udalerriak plan berezia aktibatu du, eta, horren arabera, bertako ibilgailuek baino ezin dute erdigunetik zirkulatu. Cristina Laborda alkateak Eusko Jaurlaritzari eskatu dio dagoeneko abian jar dezala dispositibo berezia, pilaketek udalerria "kolapsatzea" saihesteko.
Barrakak zabalik daude jada Bilbon: Etxebarria parkea berriz ere atrakzioz bete da
Egunero irekiko dira, 17:00etan, irailaren 6ra arte. Horien artean, helduentzako hamabi atrakzio, haurrentzako hamahiru, sei txurro-denda, hainbat motatako hamazazpi postu eta terraza duten lau taberna izango dira, baita ikuskizunak, trebetasun-jokoak eta ausazko jokoak ere.
Kaleko Afari Solidarioak (KAS) herri ekimenak boluntarioek pairatzen duten "kriminalizazioa eta jazarpena" salatu, eta komunikazioa eskatu dio Donostiako Udalari
Horren ordezkariek azpimarratu dutenez, "ez dago, gaur egun, afari solidarioen pareko alternatibarik", eta udal-baliabideak ez dira nahikoak.
Osakidetzak 129 pertsona artatu ditu eklipsearen ondorioz begietako arazoak izan dituztelako
Ostiral honetan, 70 pertsona joan dira Euskadiko osasun-zerbitzuetara begietako sintoma arin edo oso arinekin.
'Sokamuturra Ez' taldeak probara ez joateko eskatu du Getxon, eta "animalien sufrimendurik gabeko" jaien alde egin du
Sokamuturra ordezkatzeko jai batzordearekin negoziatzen saiatu dela esan, eta "parte-hartzea ezin da sufrimenduan oinarritutako jarduera bati eusteko aitzakia izan", nabarmendu du elkarteak.