Fiskaltzak baztertu egin du Pablo Ibar kasuan lekuko berri bat galdekatzea
Jatorri euskalduna duen presoaren defentsak hura errugabetu lezakeen lekukotza du, eta alegazioak aurkeztuko ditu epaileak prozesu berri bat ireki dezan.
Pablo Ibar artxiboko irudi batean. Argazkia: Europa Press.
Fiskaltzak baztertu egin du Pablo Ibarren defentsak aurkeztu duen lekuko batek deklaratzea. Ibar biziarteko kartzela-zigorra betetzen ari da 1994an egindako hiru hilketengatik, eta lekukoaren testigantzak presoa errugabetu lezake.
Andres Krakenberger ‘Pablo Ibar – Epaiketa Justua’ elkarteko bozeramaileak igande honetan azaldu duenez, defentsak bere erantzuna aurkeztuko du Fiskaltzaren alegazioen aurrean, epaileak prozesu berri bat ireki dezan.
Krakenbergerren arabera, Fiskaltzak 900 orrialde baino gehiagoko idatzi bat aurkeztu du, baina haren alegazio gehienak “prozesalak baino ez dira”. Horien artean jaso da, besteak beste, lekuko horren testigantza “ez dela onargarria, gertakariak ikusi ez zituelako”.
Aurkeztutako argudio ez-prozesal bakarrak hilketen egilearen kamisetan aurkitutako DNAri egiten dio erreferentzia. Kamiseta horretan “Pabloren DNAren aztarna ñimiño bat” aurkitu zen, Krakenbergerren esanetan, “eta horrek heriotza-zigorra saihesteko balio izan zuen”
Defentsak hilabete baino gutxiagoko epean aurkeztuko die erantzuna Fiskaltzaren alegazioei “eta epaileak erabakiko du prozesu berri bat irekiko duen ala ez”, azaldu du elkarteko bozeramaileak. Gainera, Krakenbergerrek azaldu duenez, froga-entzunaldia eskatu dute, eta lekukoak bertan deklaratuko du.
Te puede interesar
Erandioko birziklatze enpresa batean izandako sute baten ondorioz, Osasun Publikoak airearen neurketak egin behar izan ditu
Sua igande honetako goizaldean piztu da, eta material elektronikoari eta hondakin-materialari eragin die; ondorioz, ke-hodei beltza sortu da.
Kontrolik gabe jarraitzen du Vall d'Uixóko suteak
Eguraldiak hobera egin du gauean, eta kontrolguneak indartu dituzten arren, suak aktibo jarraitzen du. Milaka pertsona ebakuatu dituzte.
Tuterako jaietan adingabe bati egindako bortxaketa ikertzen ari dira
Ustezko erasotzailea identifikatu dute jada. Biktimak oraindik ez du salaketa aurkeztu, baina gertatutakoa ikertzen ari diren agenteek esan dute laster egin dezakeela.
Biscarrosse, arimarik gabeko herria: suak etxeak suntsitu eta bazterrak belztu ditu
Guztira 18.000 bat herritar bizi dira bertan, eta etxetik irteteko agindu diete denei. Suak eragindako kalte materialak agerikoak dira. Etxeak erreta, suntsituta, eta han eta hemen, bazterrak belztuta.
UMEk kontrolatutzat jo du Madril eta Avila arteko sute handia, baina oraindik badira su-gune aktiboak
Baldintza meteorologikoek hobera egin dute, eta horri esker aurrera egin dute sua kontrolatzeko lanetan. Suteak 45.000 hektarea ingururi eragin dio, eta ia 100.000 pertsona daude ebakuatuta edo konfinatuta.
Madrilgo eta Avilako suteek 88.500 pertsona ebakuatzera edo konfinatzera behartu dituzte
Suteek ia 45.000 hektarea kiskali dituzte. Espainiako Gobernuak Toledoko probintziara zabaldu du suteengatik ezarritako larrialdi nazionala. Marlaska ministroak gau "oso zaila" iragarri du, suteen "batasun teknikoaren" ostean.
Pertsona bat hil da eta bost ospitaleratu dituzte sute baten ondorioz Manisesen
Sua larunbatean piztu da, 12:45 aldera, sasi-eremu batean. Suhiltzaileen arabera, sua egonkortu dute jada.
Zornotzan istripua izan eta hil den txirrindulari bati gertatutakoaren lekuko bila ari da Ertzaintza
Istripua larunbat goizeko lehen orduan gertatu da, eta pertsona batek aurkitu du txirrindularia errepidean botata. Zauritua larri eraman dute Gurutzetako Ospitalera eta bertan hil da handik ordu batzuetara.
Galarren piztutako sutea itzali dute jada
Suhiltzaileek erabat itzali dute Galarko zelai batean piztutako sutea. Getze Galarko etxeetatik metro gutxira iritsi da sua.