EAEko Justizia Auzitegi Nagusiak baliogabetu egin du euskal administrazioan euskararen erabilera arautzen duen dekretua
Euskal Autonomia Erkidegoko Auzitegi Nagusiak memoria ekonomikoan dauden gabeziengatik baliogabetu du Voxek errekurritu zuen araua.
Euskal Autonomia Erkidegoko Auzitegi Nagusiak baliogabetu egin du euskal sektore publikoan euskararen erabilera normalizatzeko dekretua. Voxek errekurritu zuen hori, memoria ekonomikoan gabeziak dituelako.
Arrazoi bakar horregatik baliogabetu du dekretua; izan ere, baztertu egin ditu Voxek errekurtsoa aurkeztean planteatu zituen funtsezko argudioak, araua Konstituzioaren kontrakoa omen zela eta, alderdi politiko horren iritziz araua diskriminatzailea baita erdaldunentzat. Konstituzio Auzitegiak ere ildo beretik jo zuen.
Euskal Autonomia Erkidegoko Auzitegi Nagusiko Administrazioaren Kontrako Auzien Salako Hirugarren Sekzioak dekretua prozedura-akats batengatik baliogabetzea erabaki du, nahitaezko memoria ekonomikoak "funtsezko gutxiegitasuna" duela iritzita.
Epaia ez da irmoa eta Auzitegi Gorenean kasazio-errekurtsoa jar daiteke. Horretan, Auzitegiak ondorioztatzen du errekurritutako arauarekin batera aurkeztu behar den nahitaezko memoria ekonomikoak "funtsezko gutxiegitasuna" duela, hau da, ez duela betetzen bere "izateko arrazoia", ez duela betetzen "aurreikusitako erregulazioaren eskakizun eta ondorio ekonomiko eta finantzarioen ebaluazio eta oinarri objektibo eta teknikoa", eta ez duela "justifikatzen erregulazio berriak ezinbesteko aurrekontu-egonkortasuna eta finantza-iraunkortasuna errespetatzea".
Ondorio horretara iristeko, Auzitegiak Kontrol Ekonomikoko Bulegoak egindako txostena hartu du oinarri, "organo independente batek egindako txosten tekniko bat", hain zuzen ere, "xedapen orokorrak egiteko justifikazioak gauzatu daitezen eta aurreikusitako erregulazioaren eskakizun eta ondorio ekonomiko-finantzarioekin lotutako printzipioak errespeta daitezen kontrolatzeko helburua duena".
"Txosten zabala da, xehatua, oso landua, eta, jakina, sinesgarria profano batentzat ere", adierazi du Auzitegiak. Ebazpenean, txosten horren zati baten transkripzioa jaso du, eta bertan, Kontrol Ekonomikoko Bulegoak ohartarazten du ez dagoela "hizkuntza-plangintzako tresnen hedapenaren ezarpenak eragindako kostuen benetako zenbatespenik", ez eta "proiekturako haztapen edo zenbatespen ekonomiko berezirik ere, haren eragin ekonomiko nabarmena aztertzeko".
Zure interesekoa izan daiteke
Iaz baino sagar gutxiago bilduko dira aurten, baina indar handia dakarte sagardorako
Sagar uztaren aurkezpena egin dute Villabonako Otalarre sagastian; izan ere, lehortea dela eta ohi baino lehenago hasi dira batzen aurten sagar uzta. Unai Agirre Euskal Sagardoa Jatorri Deiturako koordinatzaileak adierazi duenez, iazkoarekin alderatuta, % 60 murriztu da bildutakoa. Guztira, milioi bat eta erdi kilo jasotzea aurreikusi dute. Usain eta gustu handia izango dutenez sagarrek, sagardoak alkohol gehiago izango du.
Hondarribiko jaietan gertatutako hiru eraso matxista salatu ditu Udalak, eta gizon bat atxilotu dute
Udalak indarkeria matxistaren adierazpen guztiak “irmo” gaitzetsi ditu. Bestalde, Ertzaintzak 21 urteko gizon bat atxilotu du irailaren 10ean emakume bati sexu erasoa egitea leporatuta.
Ehun bat ikuskapen egin dituzte uda honetan EAEko udalekuetan
Eusko Jaurlaritzak hiru ikuskatzaile-plaza sortu zituen, Bernedoko udalekuetan adingabeen sexu-askatasunaren aurkako ustezko delituak salatu ondoren.
Lukas Aguirreren hilketagatik zigor handiena duenak helegitea aurkeztu du, homizidio delitu gisa epaitu dadin
Defentsak Auzitegiari eskatu dio 20 urteko zigorra murriztu dezala, argudiatuz hilketa borroka batean jazo zela eta akusatuak politoxikomaniaren muturreko koadro bat zuela. Donostiako erdiguneko diskoteka baten kanpoaldean gertatu zen, 2022ko abenduaren 25eko goizaldean
Pisako emaitzak hobetzeko autoexijentzia eta Hezkuntza Sistemarekiko konfiantzaren alde egin du Pedrosak
Radio Euskadiko Boulevard saioan egin dioten elkarrizketan Begoña Pedrosa Eusko Jaurlaritzako Hezkuntza sailburuak azaldu duenez, ikasleen irakurketa gaitasuna hobetzeko neurriak ezartzen ari dira ikastetxeetan, PISA txostenaren emaitza txarren ondorioz.
Nafarroako bizilagun bat identifikatu dute Internet bidez debekatutako armak saltzeagatik
Guardia Zibilak webgunea behin-behinean blokeatu du, eta titularra administrazio-zehapena jartzeko proposatu du.
Bonelli arranoa itzuli da: bi kume jaio dira eta itxaropena berpiztu da Nafarroan
Urteetan, Bonelli arranoa desagertzeko zorian egon da Araban eta Nafarroan. Ale berriak ekarri dituzte eta bertakoekin ugaldu dira. Kumeak izan dituzte, bi, Nafarroan: Ida eta Ondallu.
Eusko Jaurlaritzak euskara babes bereziko kultura ondasun immaterial izendatzeko prozesuari ekin dio
Ekimen horren bidez, euskarari "prestigio handiagoa eta aitortza juridiko eta administratibo sendoagoa" eman nahi dio.
Berriro itzali dute Derion, Loiuko aireportutik gertu, berpiztu zen sutea
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean jardun dira goizaldera arte.