Berriro itzali dute Derion, Loiuko aireportutik gertu, berpiztu zen sutea
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean jardun dira goizaldera arte.
Derion (Bizkaia) astelehen arratsaldean piztutako baso-sutea itzalita bazuten ere, astearte arratsaldean berriro piztu zen eta goizaldeko 01:30ean lortu dute berriro itzaltzea, Eusko Jaurlaritzaren Segurtasun Sailak jakitera eman duenez.
Sua astelehenean piztu zen, 20:30 aldera, San Isidro auzoko baso batean, Aiartza mendian, Loiuko aireportutik oso gertu. Zorionez, gertakariak ez zuen eraginik izan aireportuko instalazioen funtzionamenduan, eta ez zen etxebizitzarik kaltetu; hala ere, gaueko itzaltze-lanetan inguruko baserrietako bi bizilagun etxetik aterarazi zituzten, prebentzio gisa.
Suhiltzaileek gogor lan egin zuten gau osoan, goizaldeko 05:30ak aldera garrak erabat itzaltzea lortu zuten arte. Itzalitzat jo ondoren, zaintza-talde bat geratu zen bertan lurra freskatzeko, baina sugarrak berriro piztu ziren astearte arratsaldean, eta gaur goizaldean lortu dute berriro itzaltzea.
Zure interesekoa izan daiteke
Zibererasoen gaineko kezka handitzen ari da. Nola ekidin daitezke?
Artxandako tuneletako Salbe-Txorierri tartea itxi egingo dute azaroaren 2tik aurrera
Suak hartutako eraikina eraitsi behar den ala ez aztertzen ari da Donostiako Udala
Perturren desagerpenari buruzko kale erakusketa bat inauguratu dute Donostian, egia eta justizia eskatzeko
Eusko Jaurlaritzak onartu egin du etxebizitzak alokairuan jartzen dituztenentzako aseguru publikoa
15 urtetik gorako EAEko herritarren % 44,2k goi-mailako hezkuntza jaso dute
Nola eragiten dute gure osasun mentalean etxeko arazoek?
Frantziako Estatuko ikasleek protesta egun handia izango dute gaur
Jendetza dabil egunotan Getxon Kolonbiako Armadaren 'ARC Gloria' ontzia bisitatzeko
