Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Zestoako (Gipuzkoa) Udalak Ama Birjinaren jaietako azken egunean gertatutako eraso "basati" bat gaitzetsi du gaur.
Donostia Ospitaleko Neurologia Zerbitzuan dago ospitaleratuta biktima, buruan zituen zaurien ondorioz.
Udalak ohar baten bidez jakinarazi duenez, aipatutako "gertakari larria" goizaldean jazo zen. Lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta.
Oharrean, Udalak "irmoki" salatu ditu gertakari horiek, eta gogorarazi du Zestoa herri "lasaia" dela, eta, "salbuespenak salbuespen", beti bizi izan dituela jaiak modu baketsuan.
"Eztabaida sutsuenek ere ez dute horrelako erasoak justifikatzen, bizikidetzaren aurka baitoaz", azpimarratu du.
Ildo horretan, Udalak elkartasuna adierazi dio erasoa jasan zuen pertsonari, eta eskerrak eman dizkie arreta eman eta osasun zerbitzuak ohartarazi zituzten herritarrei.
Irailaren 9ako goizaldean gertatu zen erasoa
Bestalde, Eusko Jaurlaritzako Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Era berean, baieztatu du Ertzaintzak ikerketa abiatu duela lesio delitu horren harira.
Zure interesekoa izan daiteke
Gizon bat espetxeratuko dute Iruñean, bikotekide ohiari sexu-erasoa eta mehatxuak egitea egotzita
Polizia manifestarien aurka oldartu da eta bost lagun atxilotu dituzte Madrilen, hezkuntza grebaren lehen egunean
Martxoaren 3ko biktimen erreparaziorako bidea ireki du Arabako Fiskaltzak
Pablo Ibarren auziko epaileak baztertu egin du lekuko berri batek deklaratzea
Bost pertsona atxilotu dituzte Gasteizen 015 gazte talde bortitzarekin lotura dutelakoan
Trafikoa ohiko moduan dago AP-8an, Errenterian, auto baten matxurak eragindako ilaren ostean
Matxuratutako kamioi batek N-634 errepidearen Erletxeko zatia kolapsatzea eragin du, Zornotzarako noranzkoan
Zibererasoen gaineko kezka handitzen ari da. Nola ekidin daitezke?
Artxandako tuneletako Salbe-Txorierri tartea itxi egingo dute azaroaren 2tik aurrera
