Obamak Etxe Zurian biltzeko gonbidatu du Rajoy
Barack Obama AEBetako presidenteak solasaldi laburra izan du Mariano Rajoy Espainiako gobernuburuarekin, eta horretan, Etxe Zurira joateko gonbidatu du, Espainiako Gobernu zentralaren iturriek jakinarazi dutenez.
Obamak eta Rajoyk elkar agurtu dute Hego Korean Segurtasun Nuklearrari buruzko goi-bilerako buruzagi guztien arteko argazkia egin baino lehen. Ondoren, berriz ere hitz egin dute, minutu batzuetan, bileraren gaurko saioa hasi baino lehen.
"Badakit gure taldeak ondo ari direla elkarrekin lanean", esan dio Obamak.
AEBetako presidenteak adierazi du Etxe Zurian batzartzea gustatuko litzaiokeela, eta bileraren data aurki adostea espero duela.
Obamak deitoratu egin du gaztelaniaz hitz egiteko gai ez izatea, baina gaineratu du bere alabak ikasten ari direla, eta beraz, bilerako "itzultzaileak" izan litezkeela aipatu du, txantxetan.
"Nire semeak ingelesa ikasten ari dira, eta neuk ere bai", erantzu dio Rajoyk.
Rajoyren eta Obamaren arteko lehen hartu-emana abenduaren 20an izan zen. Egun horretan, AEBetako presidenteak deitu egin zion, presidente karguaren zina egin eta gero, zoriontzeko.
Etxe Zuriko bilera lehenago egiten ez badute, bi buruzagien arteko hurrengo topaketa maiatzean izango da, Chicagon, NATOren goi-bilera batean. Batzar horretan, Rotako (Cadiz) base militarrak bat egingo du AEBen misilen aurkako ezkutuarekin".
Zure interesekoa izan daiteke
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.