Salaketak Venezuelan, hauteskunde kanpaina amaitzeko
Venezuelako Presidentetzarako hauteskundeetarako hautagai nagusiek, Nicolas Madurok eta Henrique Caprilesek, hamar eguneko kanpaina motz eta biziari amaiera eman diote. Hugo Chavezen ondorengoa aukeratzeko hauteskundeak igandean izango dira.
Azken egunetan, Madurok ustezko sabotaje eta erailketa planak salatu ditu, eta hauteskundeen emaitzen berri ez emateko asmoa duela ere esan du. Izan ere, Madurok azaldu duenez, oposizioak hauteskunde-autoritateek inpartzialtasun falta dutela eta ofizialismoak beldurra sortarazi nahi duela esan du.
Madurok Trujillo, Falcon eta Lara estatuak bisitatu ditu, jendeari erne egoteko gomendatzeko eta gaur, ostegunarekin, Hugo Chavez zenaren kontrako estatu kolpearen hamaikagarren urteurrena dela gogorarazteko.
Oposizioaren hautagaiak, Henrique Caprilesek, bestalde, bere lana betetzeko eta prozesu egonkor bat babesteko eskatu dio Hauteskunde Batzorde Nazionalari, "venezuelarrek bakean bozkatu nahi dutelako".
(Henrique Capriles agerraldi batean. Argazkia: EFE)
Maracaibon egindako agerraldi jendetsu batean, Caprilesek Hauteskunde Batzorde Nazionaleko "errektore batzuek, prozesua egonkorra izateaz arduratu beharrean, deklarazio politikoak" egiten dituztela ohartarazi du.
"Nik hau esaten diot Hauteskunde Batzorde Nazionaleko presidenteari: (Tibisay) Lucena anderea, egizu zure lana, venezuelarrok ere gure lana egingo dugu. Ez nahasi, herriak bakean bozkatu nahi du, eta herriak hitz egin nahi du hurrengo igandean", adierazi du oposizioaren hautagaiak.
Lucenaren hitzetan, hauteskunde prozesua zaintzeko ardura dutenek sektore antidemokratikoen "berraktibazioa" igarri dute. Horiek "herrialdean euren agenda ezarri nahi dute", eta hurrengo igandeko hauteskundeei "eraso" nahi diete, gaineratu du.
Batzordeko presidenteak ez du sektore "antidemokratiko" horiei buruzko zehaztasunik eman, ezta zein ekintza egin dituzten ere. Lucenaren deklarazioak Diosdado Cabello Parlamentuko presidenteak hauteskunde emaitzen berri ez emateko ustezko plana salatu ostean izan dira.
Istiluak, Caprilesen agerraldi baten ostean
Gutxienez bederatzi pertsona zauritu dira Meridako estatu andetarrean, Caprilesen agerraldi baten ostean, iturri ofizialen arabera.
Oposizioak Gobernuaren inguruko pertsonei egotzi dizkio gertakariak; Meridako gobernadoreak, ordea, oposizioko buruzagiaren jarraitzaile bortitzak izan direla ziurtatu du.
Gobernadorearen esanetan, zauritutako bederatzi pertsonetatik bi Guardia Nazionaleko funtzionario bat (polizia militarra) eta eskualdeko Poliziako agente bat izan dira.
Zure interesekoa izan daiteke
Drone errusiar batek 15 meatzari hil ditu Ukraina erdialdean
Energia sistemak helburu dituzten erasoak denbora baterako etenda egon beharko lirateke, AEBk, Errusiak eta Ukrainak adostutakoa betez gero. Muturreko hotza tarteko, ituna egin zuten hiru herrialde horiek, eta Kremlinaren arabera, gutxienez gaur arte iraun beharko luke meniak.
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.