Maduro izango da irabazlea, inkesta gehienen arabera
Inkesta gehienen arabera, Nicolas Maduro izan daiteke apirilaren 14an Venezuelan Presidentetzarako hauteskundeetako irabazlea. Hala ere, galdeketetako batek Enrique Capriles jo du irabazle, bost puntuko aldearekin, baina, galdeketa gehienen arabera, Maduro gailenduko da hauteskundeetan, 10 eta 17 puntu arteko aldearekin. Azken galdeketen emaitzak atzo kaleratu zituzten, Hauteskundeetarako Batzorde Nagusiak horretarako baimendutako azken egunean.
Venezuelarrek hurrengo presidentea aukeratzeko hauteskundeak izango dituzte apirilaren 14an, Hugo Chavez agintaria martxoaren 5ean zendu ostean. Maduro eta Capriles beste bost hautagairekin borrokatuko dira Presidentetza eskuratzeko. Hala, irabazleak Venezuelako agintea hartuko du 2013 eta 2019 bitartean.
Hauteskundeek tentsio handia sortu dute Venezuelan eta inguruko herrialdeetan. Caracasek laguntza ekonomiko handia eskaintzen die horiei, eta hauteskundeek Gobernu aldaketa ekarriz gero, 14 urteko 'chavismoa' desegingo litzateke.
Caprilesen babesa handituz doa
Milaka pertsona bildu ziren atzo Caracaseko Bolivar Etorbidean Enrique Capriles Batasun Demokratikoko Mahaiaren buruzagiari babesa adierazteko.
"Gaur Bolivar Etorbidea txiki geratu zaigu. Gaur Caracaseko kaleak alaitasunez eta esperantzaz bete dira, eta horrek hurrengo igandean gertatuko dena baieztatzen du. Venezuela jaiki egin da 'bai, egin dezakegu' esatera", esan zien Caprilesek jarraitzaileei.
(Milaka pertsona bildu ziren Caracasen Enrique Caprilesi babesa adierazteko. Argazkia: Comando Simon Bolivar)
Hautagaia ziur dago hauteskundeak irabaziko dituela. "Duela 20 egun, jendeak uste zuen ezinezkoa zela, eta nik esan nien: 'Boterea gure kontra dago, baina milaka pertsonaren esperantza dugu guk. Aktibatu esperantza hori'. Eta gaur, esperantza hori aktibatuta dago, eta gaur prozesu hau irabazten ari gara", adierazi zuen.
Capriles Nicolas Maduro behin-behineko presidenteari zuzendu zitzaion. "Ez nahasi. Apirilaren 14an zuk hauteskundeak irabaziko dituzu Habanan, baina nik hemen irabaziko ditut, Venezuelan. Apirilaren 14an justizia egingo dugu", esan zuen.
Gainera, hauteskundeen emaitzak modu baketsuan onartzeko eskatu zien jarraitzaileei. "Apirilaren 15a bakearen eguna izan behar da, venezuelarrak elkarrekin adiskidetzeko eguna. Inoiz ez zaituzte banatuko, Venezuela. Herri hau ez da inoiz bereiziko", esan zuen hautagaiak.
Hauteskundeak irabazteko konfiantza erakusteaz gain, triunfalismoa saihesteko eskatu zien Caprilesek venezuelarrei. "Apirilaren 14an, aldea handia izan daiteke, baina bozkatzera joan beharra dago", gaineratu zuen.
Nicolas Maduro, "Chavezen semea"
Bere aldetik, Nicolas Maduro Venezuelako behin-behineko presidente eta Presidentetzarako hautagaiak, Konstituzioa eskuetan, zin egin zuen hauteskundeen emaitzak errespetatuko dituela , eta gauza bera egiteko eskatu zien jarraitzaileei.
Madurok esan zuen bera zela zendutako Hugo Chavez presidentearen "semea", eta haren bideari jarraituko diola. Hala, urriaren 7an Chavezek hasitako bideari jarraitu dio Madurok, eta hauteskundeen emaitzak errespetatuko dituela azpimarratu zuen.
(Inkesten arabera, Nicolas Madurok irabazi ditzake hauteskundeak apirilaren 14ean. Argazkia: EFE)
Presidentetzarako hautagaiek, "burgesiaren hautagaiak batez ere", Enrique Caprilesi erreferentzia eginez, emaitzak errespetatuko dituzten edo ez argitzeko eskatu zuen Madurok.
"Arrakastarako eta bakerako presta gaitezen, garaipen perfektua itzelezkoa izango da, eta baketsua, 10 milioi boto lortuta", adierazi zuen Madurok Apure estatuan.
Kanpainako ekitaldian Gobernuaren iragarpen batzuk egin zituen, eta estatu horretarako errekurtso batzuk onartu zituztela jakinarazi zuen, ospitale bat egiteko proiektua eta etxebizitzak eraikitzea, esaterako.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.