Egiptok Parlamentua aukeratzeko hauteskundeak deituko ditu 2014rako
Egipton, Parlamentua osatzeko hauteskundeak egingo dituzte, presidentea aukeratzeko bozketak izan baino lehenago, Adli Mansur herrialdeko presidenteak adierazpen konstituzional baten bidez jakinarazi duenez.
Hala, trantsizio prozesuaren oinarriak finkatu dituzte, eta, gainera, Konstituzioa aldatzea aurreikusi dute (estatu kolpearen ondorioz, bertan behera dago). Ondoren, herritarrek babestu beharko dute testu berria, erreferendum bidez.
Adierazpenaren 33 artikuluetan, behin-behineko presidenteak eta haren gobernuak botere legegile osoa dutela esaten da, besteak beste.
Aurreikusi dutenez, Parlamentuaren osaera erabakitzeko bozketak eta presidentea aukeratzeko hauteskundeak 2014ko hasierarako deituko dituzte.
Mansurrek adituen batzorde bat eratuko du Konstituzioa aldatzeko, eta, gizarteko 50 ordezkarik testua onartu ostean, lau hilabeteren buruan erreferendum bidez bozkatu egingo dute.
Bi hilabete geroago, Parlamentuaren osaera erabakitzeko hauteskundeak deituko dituzte (bide orriaren arabera, 2014ko hasieran izango dira), eta, Parlamentu berria eratu ostean, astebete izango dute presidentea aukeratzeko hauteskundeak deitzeko.
Ahmed Al Tayeb Al Azhar erakundeko jekeak, sunien artean entzutetsuenak, gerra zibila izateko arriskuaz ohartarazi du, eta agintariei prozesu demokratikoa ahalik eta lasterren abiarazteko eskatu die.
Albiste gehiago mundua
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.