Estatu kolpea Egipton
Estatu kolpea izan da Egipton. Armadak kargutik kendu du duela urtebete hauteskundeetan aukeratutako Mohamed Mursi presidentea, eta Konstituzioa indargabetu du.
Mursi ordezkatzeko, militarrek Adli Mansur Auzitegi Konstituzional Goreneko presidentea ezarri dute; eta horrek herrialdeko presidentea aukeratzeko hauteskundeak deitu eta ikuskatu beharko ditu.
Nazioari zuzendutako hitzaldi batean, Abdel Fatah al Sissi Armadako nagusiak iragarri du presidenteak botere osoa duela deklarazio konstituzionalak egiteko eta pribilegioak izango dituen gobernuburua aukeratzeko. Gainera, horrek aurkeztutako planaren arabera, adituen batzorde bat eratuko dute konstituzio berri bat osatzeko.
Jeneralak jakinarazi duenez, Mursik "ez zion herriaren nahiari erantzun" nahiz eta Armadak 48 orduko ultimatuma egin. Hala, Segurtasun Indarrek gizartearen ordezkariekin kontsultak hasi dituzte bide orria eratzeko.
"Armadak Egiptoko herriak laguntza eskatzen ziola nabaritu zuen, ez boterea hartzeko, baizik eta duen erantzun zibila betetzeko. Hala, Segurtasun Indarrek mezuaren kutsua ulertu zuten", azaldu du.
Horren harira, Mursik Konstituzioa betetzeko eta estatu kolpe horri ez erantzuteko eskatu die Armadako goi kargudunei eta soldaduei, eta komunikatu labur batean Egiptoko presidentea izaten jarraitzen duela baieztatu du.
Al-Sissiren adierazpenek poza eragin du Kairoko Tahrir plazan bildutakoen artean.
Bitartean, Rabea Adauiya plazan, Mursiren jarraitzaileak bildu dira, eta militarrek blindatuekin inguratu dute, iragarpena egin baino lehen. Ondoren, Segurtasun Indarrek Mursi presidentea kargutik kendu dutela jakinarazi eta isiltasuna nagusitu da bertan bildutakoen artean.
Zure interesekoa izan daiteke
Hauek dira Iranek eta Estatu Batuek adostutako akordioak jasotzen dituen 14 puntuak
Ekialde Hurbileko gerrari amaiera emateko eta Ormuzeko itsasartea desblokeatzeko Iranekin lortu duen akordioaren xehetasunak plazaratu dituzte Estatu Batuek. Ostiralean Suitzan sinatuko den akordioak atzeratu egiten ditu eztabaidagai delikatuenak, hala nola, programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.