Seguro sozialistak irabazi du Portugalen, hauteskunde presidentzialen bigarren itzulian, botoen % 65,77 lortuta
Ventura ultraeskuindarrak, berriz, botoen % 34,13 lortuko lituzke, botoen % 98 zenbatuta. Herri batzuek hauteskundeak astebete atzeratzea erabaki dute, otsailaren 15era arte, herrialdeak azken bi asteetan jasan dituen denboraleen ondorioz.
Antonio Jose Seguro sozialista da faborito nagusia. Argazkia: EFE
Hauteskunde presidentzialen bigarren itzulia izan da igande honetan Portugalen. Hamaika milioi portugaldar baino gehiago zeuden deituta, Marcelo Rebelo de Sousaren ondorengoa aukeratzeko. Antonio Jose Seguro ministro sozialista ohiaren eta Andre Ventura eskuin muturreko liderraren artean hautatu behar zuten.
Seguro sozialistak botoen % 65,77 lortu ditu. Ventura ultraeskuindarrak, berriz, botoen % 34,13 lortu ditu, botoen % 98 zenbatuta.
Parte-hartzea % 50,96koa izan da, lehen itzuliko datuaren tankerakoa. Izan ere, urtarrilaren 18an izandako lehen itzulian % 52,26koa izan zen parte-hartze osoa, aurreko presidentetzarako hauteskundeetan baino handiagoa. 2021ean, pandemian, % 39,24koa izan baitzen eta txanda bakarra izan zuten.
Antonio Jose Seguro sozialista botoa ematen. Argazkia: EFE
Denboraleak eragina izan du hauteskundeetan
Hauteskundeak astebete atzeratzea erabaki dute 36.852 boto-emaile bizi diren hainbat herritan, azken bi asteetako denboraleen ondorioak direla eta. Alcacer do Sal, Arruda dos Vinhos, Golega, Santarem, Rio Maior, Leiria, Cartaxo eta Salvaterra de Magos herrietan atzeratu da bozketa.
Igande honetan eguraldiak hobera egin badu ere, atzo suhiltzaile bat hil zen Marta ekaitzaren ondorioz eta Portugalgo Itsasoaren eta Atmosferaren Institutuak (IPMA) euria iragarri du berriz ere arratsaldetik aurrera, elurra toki garaienetan, eta haize bolada gogorrak kostaldean eta goialdeetan.
Gai hau hizpide izan du, hain zuzen ere, Andre Ventura presidentegai eta eskuin muturreko buruzagiak botoa ematerako garaian eta azken egunotako uholdeen eta hondamendien ondoren gaur bozketa eguna izatea "errespetu falta" iruditzen zaiola esan du: "Uste dut errespetu falta bat dela pertsonak gaur bezalako egun batean bozkatzera joanaraztea, batez ere atzo arte gertatu zena kontuan hartuta".
Andre Ventura botoa ematen. Argazkia: EFE
Zure interesekoa izan daiteke
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.
Osasunaren Mundu Erakundeak 900 ebola-kasu baino gehiago zenbatu ditu RDCn, susmagarriak eta baieztatuak batuta
Tedros Adhanom Ghebreyesus Agentziako zuzendari nagusiak aitortu du zailtasunak daudela agerraldi ari aurre egiteko, Ituri probintzian batez ere; eskualde hori da krisiaren epizentroa eta bertan lau pertsonatik batek laguntza humanitarioa behar du eta bost biztanletik herrialdeko baste puntu batzuetatik ihesi iritsitakoak dira.
Marco Rubiok ziurtatu du AEBk ez dutela "akordio txar bat" egingo eta Iranen erantzuna falta dela
Irango Gobernuak jakinarazi du bake akordioa lortzeko bidean AEBrekin abiatutako elkarrizketatan aurrerapausoak egon direla. Dena den, argi utzi du ezin daitekeela esan "ituna berehala iritsiko denik". Halaber, berretsi du etapa honetan ez direla Teheranen programa nuklearrari buruz eztabaidatzen ari.
Milaka txekiarrek Kultura ministroa kargugabetzeko eskatu dute, telebista publikoaren finantzaketa aldatu nahi izateagatik
Ministroen Kontseiluak astelehen honetan, maiatzak 25, aztertuko du irrati-difusioko erakunde publikoek Estatuaren zuzeneko finantzaketa jasotzeko lege-proiektu polemikoa. Orain arte, herritarren tasen sistemaren bidez finantzatzen da.
Gutxienez 14 pertsona hil ditu Israelek Libano hegoaldean, ebakuazio aginduen ondotik
Ente las personas fallecidas hay un niño y entre las heridas cuatro menores. Los ataques de este domingo han tenido como la región de Nabatieh.
Israelek "hipokrita" deitu dio Sanchezi Ertzaintzak flotillako ekintzaileekin izandako jokabideagatik
Israelgo Gobernuak Espainiak herrialde horretan duen Enbaxadako negozio arduraduna, Francisca Pedros, deitu du, Ertzaintzak flotillako ekintzaileen aurka izandako jokabideaz azalpenak eskatzeko. Francesa Albanese NBEren errelatoreak gogor jo du Ertzaintzaren jokabidearen aurka.
33 ontzi igaro dira Ormuzko itsasartetik azken orduetan Iranen baimenarekin, eta 150 dira jada bost egunetan
Iran eta AEB eskualdeko nabigazioa arinduko lukeen bake akordio batera hurbiltzen ari omen diren honetan, Irango Indar Armatuek adierazi dute eurek arduratuko direla Persiar golkoaren eta Ormuzko itsasartearen segurtasunaz, “eskualdeko eta munduko ordena berri bat” babesteko “atzerritarren presentziarik gabe”.
Iranekiko elkarrizketak aurrera jarraitzen duela esan du Trumpek, baina ez duela presazko akordiorik sinatuko
Ursula von der Leyen Europako Batzordeko presidenteak su-eten mugagabe baten oinarriak ezartzea ahalbidetuko duen akordioa sinatzeko eskatu die Irani eta Estatu Batuei, azken 24 orduetan Donald Trump AEBko presidenteak edo Marco Rubio Estatu idazkariak iragarri bezala.