Starmerren aholkulari nagusiak dimisioa eman du Epsteinen artxiboen eskandaluagatik
Kabineteko buruak bere gain hartu du Mandelson enbaxadore kargurako izendatu izanaren errua. "Akats bat izan zen. Gure alderdiari, gure herrialdeari eta politikarekiko konfiantzari kalte egin die Mandelsonek", gaineratu du.
Keir Starmerren aholkulari Morgan McSweeney. Argazkia: Europa Press
Erresuma Batuko lehen ministroaren aholkulari Morgan McSweeneyek dimisioa eman du igande honetan, AEBko enbaxadore ohi Peter Mandelsonen izena Epstein eskandaluaren azken dokumentuetan agertu ostean.
"Hausnarketa arduratsu baten ostean, dimititzea erabaki dut", iragarri du McSweeneyk hedabide britainiarrek argitaratutako gutun batean. Kabineteko buruak bere gain hartu du Mandelson enbaxadore kargurako izendatu izanaren errua. "Akats bat izan zen", gaineratu du.
Mandelson, Europako Merkataritza komisario izandakoa, Epstein auziarekin lotura duelakoan ari dira ikertzen, ustez Eurogunea 2010ean onartzekoa zen 500.000 milioi euroko erreskateari buruzko informazioa bidali ziolako Epsteini.
Epsteinen dokumentuetan ageri denez, Mandelsoni —garai hartan Erresuma Batuko Parlamentuko diputatua zen— 25.000 dolarreko (21.000 euro inguru) hiru ordainketa egin zizkioten, 2003 eta 2004 artean, Epsteinek JP Morgan banketxean zuen kontutik.
Dimisioaren berri izan duenean, Erresuma Batuko lehen ministro Keir Starmerrek eskerrak eman dizkio McSweeneyri Alderdi Laboristari egindako ekarpenagatik: "Neurri handi batean, bere dedikazio, leialtasun eta lidergoari esker, gehiengo izugarria irabazi genuen hauteskundeetan, eta herrialdea aldatzeko aukera eman zigun horrek".
Oposizio kontserbadoreko buru Kimi Badenochek, aldiz, adierazi du dimisioa ez dela nahikoa eta maila goreneko erantzukizunak argitu behar direla. "Keir Starmerrek bere gain hartu behar du bere erabakien erantzukizuna", esan du sare sozialetan.
Zure interesekoa izan daiteke
Alderdi Laboristako 70 diputatu baino gehiagok Starmerren dimisioa eskatu dute, baina oraingoz lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.