Liskarra
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

AEBri espioitza kasuak azaltzeko eskatu dizkiote Brasilek eta Mexikok

Aurretik Frantzia eta Alemania izan dira azalpenak eskatu dituztenak, eta Espainiako inteligentzia zerbitzuek uste dute Madrilen ere espioitza kasuak izan direla.
Espioitza kasuek protestak piztu dituzte. EFE.
Espioitza kasuek protestak piztu dituzte. EFE.
author image

Erredakzioa

Azken eguneratzea

AEBko espioitzak liskarra piztu du Obamaren Gobernuaren eta Mexiko eta Brasilen artean. Aurretik, Frantzia eta Alemania izan dira azalpenak eskatu dituztenak, eta Espainiako inteligentzia zerbitzuek uste dute Madrilen ere espioitza kasuak izan direla.

Iragan igandean Globo telebista kateak jakitera eman zuenez, AEBko Segurtasun Bulegoak zuzenean zelatatu zituzten Dilma Rousseff eta Enrique Peña Nieto, Brasilgo eta Mexikoko presidenteak, hurrenez hurren. Brasilek eta Mexikok azalpenak eskatu dituzte, eta euren "subiranotasuna urratzea" egotzi diote Obamaren Exekutiboari.

Mexikoko Gobernuak iragarri du dagoeneko Anthony Wayne AEBko enbaxadoreari bilera bat eskatuko diola, eta "ikerketa sakona" egingo duela, espioitza nola egin zuten aztertzeko.

Bestalde, Europak eskatutako azalpenei erantzunik ez diete oraingoz eman Ameriketako Estatu Batuek. Europako zein herrialde eta zein herritar zelatatu dituzten argitzeko, Bruselak elkarrizketa abiatzeko eskatu zuen, baina eskari horrek ez du erantzunik izan.

Obamaren Gobernuak, gainera, Europako Parlamentuan azalpenak emateari uko egin dio. Horren aurrean, Europako Batzordeak Atlantikoaren bi aldeen arteko harremanen gaineko txostena prestatuko du urte bukaerarako. Datuen Babeserako Legea onartzea da helburu nagusia, baina zaila dirudi Europako hauteskundeak iritsi baino lehen bi aldeen arteko jarrera komuna adostu ahal izatea.

Edward Snowdenek duela lau hilabete ezagutzera emandako txostenen ondotik dator albistea. Ezinegona areagotuz doa Europan, eta Viviane Reding Justizia komisarioak atsekabea agertu du Washingtonen jarreraren aurrean.

CIAko teknikari ohi batek egin ditu espioitzaren inguruko filtrazioak
Obamaren Gobernuak espioitza egin die Associated Pressen kazetariei
Munduko albisteak Ameriketako Estatu Batuak Mexiko Eguneko Titularrak Brasil Pegasus auzia

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X