Ukrainako lehen ministroak indarra erabiltzeagatik barkamena eskatu du
Ukrainako Gobernuak arazorik gabe gainditu du oposizioak bere aurka aurkeztutako zentsura mozioa. Europar Batasunarekin merkataritza akordioaren sinadura bertan behera utzi ondoren aurkeztu du oposizioak zentsura mozioa. Horren ildora, azken astean manifestazioak eta istiluak izan dira Kieven.
Kyiv Post egunkariak ezagutzera eman duenez, 186 diputatuk eman dute zentsura mozioaren aldeko botoa; 226 boto behar ziren mozioa aurrera atera ahal izateko. Hiruk aurka bozkatu dute, eta gainerakoak abstenitu egin dira. UNIAN agentziaren arabera, Viktor Janukovitx presidentearen alderdiko diputatu batek zentsura mozioaren aldeko botoa eman du.
Bozketa hasi baino lehen, Mikola Azarov lehen ministroak barkamena eskatu du segurtasun indarrek asteburuko manifestazioetan izandako jarrerarengatik, eta arduradunak zigortu egingo dituztela gaineratu du.
Elkarrizketarako prest
Azarov, gainera, oposizioko taldeekin "elkarrizketatzeko prest" agertu da , baina "baldintza bat" jarri du: hainbat eraikin ofizialetan dagoen blokeoa amaitzea. Besteak beste, Gobernuaren egoitza hartu dute manifestariek.
Prentsa oharrean, Azarovek onartu du bere kabineteak "akatsak" egin izana. "Kritikak jasotzeko prest gaude, baita manifestariekin eta oposizioko taldeekin elkarrizketatzeko ere", adierazi du.
"Argi dugu, ordea, baldintza garrantzitsu bat: ekintza guztiak Konstituzioa eta legea errespetatuz egin behar dira", ohartarazi du. "Manifestariek Gobernuaren eraikinak utzi behar dituzte, eta Administrazio Publikoan ez dute eraginik izan behar", gaineratu du.
Azken egunetako protestek oinarrizko zerbitzuetan, garraioetan edo osasunean eragina izatea "erabateko arduragabekeria" dela uste du lehen ministroak. "Administrazioa ahal duen guztia egiten ari da herrialdean lasaitasuna eta normaltasuna ezartzeko", amaitu du.
Albiste gehiago mundua
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Desnutrizioak 250 hildako baino gehiago eragin ditu dagoeneko Gazan, ostiralean hildako 11 lagunak barne
Gazako Osasun Ministerioak emandako datuen arabera, horietatik 108 haurrak dira.
Zelenskiren, Trumpen eta Putinen arteko goi-bilera bat antolatzen laguntzeko prest agertu da Europa
Hala adierazi dute Von der Leyen, Macron, Meloni, Merz, Starmer, Stubb eta Tusk buruzagiek Trumpen eta Putinen arteko goi-bileraren ostean.
320 hildako baino gehiago Pakistanen, eurite bortitzek sortutako uholdeetan
Gutxienez 320 pertsona hil dira Pakistaneko iparraldean, euriteek bat-batean uholdeak eraginda. Khyber Pakhtunkhwa probintzia kolpatuena izan da, biktima gehienak eta dozenaka desagertu baitaude. Agintariek erreskate lanetan jarraitzen dute, milaka kaltetuk laguntzaren zain dauden bitartean.
Trumpek eta Putinek akordiorik gabe itxi dute Ukrainari buruzko Alaskako goi-bilera
Horren ostean, Trump eta Zelenski Washingtonen bilduko dira astelehenean, Alaskan izandako goi-bileraren inguruko xehetasun guztiak hizpide izateko asmoz.
Ben Gvir israelgo ministro ultranazionalistak Marwan Barghouti buruzagi palestinarra bisitatu du espetxean mehatxatzeko
"Ez duzue irabaziko", ohartarazi dio Ben Gvirrek 2002tik kartzelan dagoen Barghoutiri, Israelgo auzitegi batek Bigarren Intifadan bost hilketatan parte hartzeagatik zigortu ostean. "Israelgo nazioarekin sartzen dena, gure seme-alabak eta gure emakumeak hiltzen dituena, lurretik ezabatuko dugu", erantsi du Israelgo ministro polemikoak.