Gobernuaren osaketa larunbatean iragarriko du Renzik
Alderdi ezberdinetako ordezkariekin bilera-sorta amaitu ostean, Matteo Renzi Italiako lehen ministroak Gobernuko kideen berri emango du datorren larunbatean. "Lan ezin hobea egiteko baldintzak" ematen direla uste du Renzik.
Renzik azaldu duenez, Giorgio Napolitano Errepublikako presidentearekin bilduko da bileretako emaitzen berri emateko. "Bihar programa idatziko dut", erantsi du.
Larunbatean Gobernua iragarri eta konfiantza mozioa "astelehenetik aurrera egitea eskatuko diet Senatuko eta Ganberako presidenteei", Renziren hitzetan. "Lan ezin hobea egiteko baldintzak ematen direla seguru nago", gaineratu du.
Bere Exekutiboak erreferentzia gisa Enrico Lettaren Gobernuari babesa eman zion gehiengoa izango duela esan du Renzik. Bestalde, egin beharreko erreformak zerrendatu ditu: "politikaren kostuen murrizketa, Konstituzioaren erreforma martxoan", apirilean enplegua, "maiatzean fiskoa eta administrazio publikoa eta gero Justiziaren antolakuntzarekin lotutako gai guztiak".
Bilera Berlusconirekin
Renzi Silvio Berlusconi lehen ministro ohiarekin goizean bildu da. Berlusconi Forza Italiaren ordezkaritzako buruzagi gisa joan da. Il Cavaliere-ren ahotan, Italiak "gobernagarritasuna behar du, herrialde gobernagarria bihurtu behar da".
"Enpleguaren, pentsioen eta Justiziaren" erreformetan "elkarrekin lan egiteko borondatea" agertu dio Berlusconik Renziri, ADNKronos albiste-agentziak jakitera eman duenez.
Renzi Alderdi Demokratikoko ordezkaritzarekin bildu da, baina tentsio handiko unea Beppe Grillo M5S alderdiko buruzagiarekin bildu denean izan du.
Albiste gehiago mundua
SCOren goi-bilera Txinan, Putinen eta Indiaren parte-hartzearekin
Errusiako presidenteak goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Xi Jinping Txinako presidenteak Txina eta India "lagunak eta bizilagun onak" izan behar direla esan dio Narendra Modi Indiako lehen ministroari igande honetan.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.
Palestinaren aldeko artista juduen kolektibo batek BBCren kontzertu bat eten du, Londresen
"MSOk odola du eskuetan", oihukatu dute Jewish Artists for Palestine (Artista juduak Palestinaren alde) taldeko aktibistek Melbourneko Orkestra Sinfonikoak (MSO) ostiralean Londresko Royal Albert Hall aretoan eskaini duen emanaldian. Urtero udako kontzertuak antolatu ohi ditu BBCk, 'BBC Proms' ekimenaren baitan.