Europak Ukrainan biolentzia gelditzea eskatu du, 'amildegia' ekiditeko
Anne Brasseur Europako Kontseiluko Parlamentuko presidenteak adierazi du "lehentasuna" dela beraientzat Ukrainako krisiari irtenbidea aurkitzea eta "odol jarioa" geldiaraztea, herrialdea "amildegian" eror ez dadin.
"Lehentasuna Ukrainan biolentzia geldiaraztea da, hildakoen kopurua gelditu eta errepresaliak eta mendekuari amaiera eman, herrialdea amildegian ez erortzeko", esan du Brasseurrek agiri batean.
Brasseurrek bere lankidetza eta Europako Kontseiluarena eskaini du krisialdi politikoari irtenbidea emateko eta Ukrainari buruzko txostena idatzi dutenak, Mailis Reps estoniarra eta Marieta de Pourbaix-Lundin suediarra herrialdean bertan daudela orain.
Istiluak Kieven
Gutxienez 21 pertsona hil dituzte gaur Kieveko Independentzia Plazan, Reuters agentziak jakinarazi duenez. Dena dela, bertako egunkari batek 37ra igo du hildakoen kopurua.
Biktima horiei azken egunetan hildako 28ak gaineratu behar zaizkie.
Manifestarien eta polizien arteko borroka bortitzak gaur goizean hasi dira berriz, atzo Viktor Janukovitx Ukrainako presidenteak eta oposizioak tregoa adostu bazuten ere. 12 ordu baino ez du iraun lasaitasunak.
Manifestariek 60 polizia inguru atxiki eta energia elektrikoaren konpainia publikoaren egoitzara eraman dituzte, udaletxetik gertu.
Agenteekin zer egin negoziazioen emaitzen arabera erabakiko dutela ohartarazi dute.
Oposizioak Gobernuari egotzi dio liskarren hasiera
Vitali Klitxko oposizioko buruak Janukovitxi deitu dio, hauteskundeak aurreratzea eskatzeko.
"Sarraskiak aurrera egin du. Janukovitx presidenteak hauteskundeak aurreratu behar ditu, hori da indarkeria gelditzeko modu bakarra", esan du Kitxkok.
Halaber, Parlamentuak gaur bertan premiazko bilera egiteko deia egin du. Gaur goizean, Ganbera hustu egin behar izan dute, enfrentamenduen ondorioz.
Oposizioaren esanetan, Poliziak hasi du gaur berriz indarkeria, Alemaniako, Frantziako eta Poloniako Atzerri ministroak Kieven daudela, manifestariak erradikalak direla erakusten saiatzeko.
Hori horrela, Arseni Yatseniuk oposizioko buruak tiro egiteko agindua eman duten poliziaburuak atxilotzea eskatu dio Janukovitxi.
Svoboda oposizioko alderdiaren arabera, Poliziak hautsi du su-etena, 08:00etan (07:00ak Euskal Herrian) tiroka hasi baita.
Negoziazioak
Bien bitartean, Alemaniako, Frantziako eta Poloniako Atzerri ministroak Janukovitxekin batzartu dira Kieven.
Bilera horrekin, agintariak herrialdeko krisiari irtenbidea bilatzen saiatu dira.
Testuinguru honetan, Europar Batasuneko Atzerri ministroek Ukrainako Gobernuari zigorrak ezartzea aztertuko dute gaur.
Albiste gehiago mundua
Bolivian hauteskunde egun historikoa izango dute igandean: baliteke eskuinak agintea eskuratzea ia 20 urteren ostean
Batasun aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Ben Gvir israelgo ministro ultranazionalistak Marwan Barghouti buruzagi palestinarra bisitatu du espetxean mehatxatzeko
"Ez duzue irabaziko", ohartarazi dio Ben Gvirrek 2002tik kartzelan dagoen Barghoutiri, Israelgo auzitegi batek Bigarren Intifadan bost hilketatan parte hartzeagatik zigortu ostean. "Israelgo nazioarekin sartzen dena, gure seme-alabak eta gure emakumeak hiltzen dituena, lurretik ezabatuko dugu", erantsi du Israelgo ministro polemikoak.
Trumpen zein aurpegi ikusiko dugu Putinekin? Hori izango da hitzorduaren gakoetako bat
Donald Trump Vladimir Putinekin bilduko da gaur Alaskan, zalantzaz beteriko bilera batean: AEBko presidenteak buruzagi errusiarra kritikatzea saihestu du iraganean, eta diskurtsoa gogortu du azken hilabeteetan, baina zalantzan dago irmotasun horri eutsiko dion edo Moskurekiko hurbilketa bilatuko duen.
Plastikoen kutsaduraren aurkako nazioarteko itunaren negoziazioek porrot egin dute
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua ez eteteko eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.