EBk isun gehiago jarriko ditu Ukrainako krisiagatik
Europar Batasunak akordioa lortu du Ukrainaren subiranotasunarentzat mehatxua direlakoan isunak jasoko dituztenen zerrenda luzatzeko, eta beste hamahiru pertsona eta Errusiako eta Ukrainako bi enpresa sartuko dituzte, EBko iturriek jakitera eman dutenez.
Aurreakordioak EBko Atzerri ministroen oniritzia jaso du Bruselan egin duten ministroen kontseiluan.
Enbaxadetako ordezkariak izan dira aurreakordioa idatzi dutenak. Hala, dagoeneko 63 dira Ukrainako subiranotasunari mehatxu egiteagatik ondasunak izoztuta edukiko dituztenak eta Europar Batasunean sartzen utziko ez dietenak.
Horretarako, isunen oinarri juridikoa aldatu behar izan dute, orain arte zerrendan agertzen ziren pertsona horiekin lotutako enpresek soilik jaso zezaketen isuna, baina hemendik aurrera Krimean desjabetutako enpresei ere jarri ahal izango dizkiete.
Isun diplomatikoak
Bilerara iritsi direnean, ministroek azpimarratu dute Europar Batasunak isun diplomatikoak onartuko dituela egoerak okerrera egiten badu.
William Hague Britainia Handiko Atzerri ministroak berretsi du EBk "hirugarren isun sorta prestatzen" jarraitu behar duela, baina Putinek maiatzaren 25ean Ukrainan egingo diren hauteskunde presidentzialekiko izango duen jarrerak baldintzatuko duela hori.
Segurtasun Erakundearen ibilbide orria
Didier Burkhalter Europako Segurtasun eta Lankidetzarako Erakundearen presidenteak ere parte hartu du ministroen Kontseiluan, eta Ukrainako krisia amaitzeko eta bakearen oinarriak ezartzeko erakundeak egin duen ibilbide orria azaldu die EBko Atzerri ministroei.
Ibilbide orri horretan lau zutabe nagusi daude: indarkeria eza, desarmatzea, nazio mailako elkarrizketa eta maiatzaren 25erako deitu dituzten hauteskunde presidentzialak.
Espainiarentzat "legez kanpokoak" dira erreferendumak
Jose Manuel Garcia-Margallo Espainiako Atzerri ministroak esan du erreferendumak "legez kanpokoak eta baliogabeak" direla.
Europar Batasuneko ministroen Kontseiluan parte hartzeko Bruselara iritsi denean adierazi du "gaitzetsi" egiten dituela galdeketak, Ukrainako Konstituzioan oinarrituta "legez kanpokoak eta baliogabeak" direlako.
Adierazpen horiekin Kataluniari "oharra" bidaltzen ari ote den galdetuta, Garcia-Margallok erantzun du "agerian" geratu dela "nazioarteko legediaren barruan ez duela tokirik barne Konstituzioaren kontra doan erreferendumak".
EBk ez ditu emaitzak onartuko
Ukraina ekialdeko Donetsk eta Luhansk eskualdeetan egin den erreferenduma "legez kanpokoa" dela esan du Europar Batasunak, eta emaitzak ez dituela onartuko aurreratu du.
"Alde guztiek babesa behar dute maiatzaren 25eko presidentetzarako hauteskundeak askatasunarekin egin eta bidezkoak izan daitezen, krisiari aurre egiteko eta ukrainarrek euren etorkizuna erabakitzeko", azaldu du Catherine Ashton EBko Kanpo Harremanetarako bozeramaileak.
"Elkarrizketa Nazionalaren baitan, eskualde guztiei babesteko lanean jarraitzea" eskatu dio Ukrainako Gobernuari.
Erreferendumak
Donetsk eta Luhansk eskualdeetako galdeketetako parte-hartzea % 70etik gorakoa izan da. Donetsken independentziaren aldeko botoa eman dute boto-emaileen % 90ek. Luhanskeko emaitzak ez dituzte oraindik jakitera eman.
Albiste gehiago mundua
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.