Netanyahu: “Hamasek ordaindu egingo du, gaur ez bada, bihar”
Benjamin Netanyahu Israelgo lehen ministroak hitz eman du Hamasek “ordaindu” egingo duela Zisjordanian bahitutako hiru gazte israeldarrengatik eta Gazako zerrendan jaurtitako suziriengatik, “gaur ez bada, bihar”.
Halaxe adierazi du segurtasun kabinetearekin bildu aurretik eskaini duen prentsaurrekoan. Kabinetean, hiru gazteen hilketaren aurrean nola erantzun eztabaidatuko dute. Nerabeen gorpuak atzo agertu ziren Hebrondik gertu, ekainaren 12an ustez Hamasek bahitu eta gero.
“Hamas da arduraduna, Hamasek ordainduko du eta Hamasek ordaintzen jarraituko du”, hitz eman du Netanyahuk. Lehenago, Eyal Yifrach, Gilad Shaer eta Naftali Frenkel gazteen hiletetan izan da, Simon Peres presidente israeldarrarekin batera.
“Ez gara isilik geldituko eta ez gara geldituko haietako azkena harrapatu arte”, adierazi du lehen ministroak bahitzaileen bilaketaren inguruan. “Gaur ez bada, bihar, guztiak harrapatuko ditugu. Hori da gure lehen misioa, eta bete egingo dugu”, esan du.
Hileta jendetsuak
Milaka pertsona bildu dira gaur arratsaldean eraildako hiru gazte israeldarren aldeko hiletetan. Ekainaren 12an Zisjordanian bahitu zituzten nerabeak, eta atzo agertu ziren haien gorpuak, Hebrongo auzo palestinar bateko fosa batean.
19 urteko Eyal Yifrachen eta 16 urteko Gilad Shaer eta Naftali Frenkelen aldeko hiletak arratsaldean hasi dira, bakoitzarena bere herrian: Talamon, Nof Ayalon eta Eladen, hain zuzen.
Hiru ekitaldietan milaka israeldar batu dira, eta bertan izan diren Benjamin Netanyahu lehen ministroaren Gobernuko ministroek azpimarratu dute errudunak zigortu egingo dituztela.
“Eyal, Gilad eta Naftali bihozgabe batzuek bahitu eta hil zituzten, judutarrak izate hutsagatik. Odol hotzean hil zituzten gure aurka ahitu arteko gerra goratzen duten haiek”, esan du Moshe Yaalon Defentsa ministroak, Israelek erruduntzat duen Hamas mugimendu islamistari zuzenduz.
Yaalonek adierazi duenez, "Israelek ez du atsedenik hartuko bahitzaileak Justiziaren aurrera eraman arte", Shai Piron Hezkuntza ministroak esan duen modura.
Hiru gazteen desagerpenak zonaldeko tentsioa areagotu du, oraindik ez baitago argi Israelgo Gobernuak zein pauso emango duen edo Gazako zerrendan Hamasen aurkako operazioa martxan jarriko duen.
Ministroen Kontseiluan desadostasun larriak egon arren, gehienek zail ikusten dute Netanyahuk zerrendan eraso militarren alde egitea. Bart, Israelgo gerra hegazkinek hutsik zeuden 34 zonalde islamdar bonbardatu zituzten.
Eraso horiek Israel hegoaldearen aurka jaurtitako hogei suziriekin dute lotura, eta ez gazteen erailketarekin, hedabideen arabera. Bien bitartean, Zisjordaniako erasoetan bi palestinar hil dira azken orduetan.
Eyal Yifrah: 'Bahitu egin naute!'
Hiru gazte judutarraren bahitzaileek auto barruan tiro egin zuten, Eyal Yifrahk poliziari deitu ziola ohartu zirenean.
Zure interesekoa izan daiteke
Belémek 57 lider batuko ditu multilateralismoaren krisian dagoen giroari buruz eztabaidatzeko
Ostegun eta ostiral honetan, munduko ordezkari nagusiek COP30 izango denaren bidea markatuko dute.
Hamar zauritu Frantziako Oleron uhartean, nahita egin omen den harrapaketa batean
Gizon bat atxilotu dute Oleron uhartean, Frantziako mendebaldeko kostaldearen parean, hainbat pertsona "nahita" harrapatu baititu. Arroxelako Fiskaltzak jakinarazi du ikerketa abiatu duela hilketa-saiakeragatik, eta terrorismoaren aurkako fiskaltzak ez duela kasua bere gain hartu "oraingoz".
Putinek proba nuklearrei berrekiteko aukera aztertzeko eskatu die gobernukideei
Donald Trumpek arma nuklearrekin probak egiteko aukera planteatu ostean iritsi da iragarpena. Errusiako presidenteak esan du bere herrialdeak zorrotz betetzen duela proba horiek ez egiteko politika, "beste herrialdeek gauza bera egiten duten bitartean".
2040rako CO2 isurketak % 90 murriztea adostu dute EBko herrialdeek, baina malgutasunez
EBko herrialdeetako ministroek adostutako helburu lotesle horri esker, atzerriko karbono-kredituak erosi ahal izango dira isuriak murrizteko helburuaren betetzeko (% 5). Brasilen izango den COP30 Klima Aldaketari buruzko Nazio Batuen Goi-bilera hasi baino ordu gutxi batzuk lehenago egin dute akordioa.
Albiste izango dira: Zohran Mamdaniren garaipena New Yorken, Donostiako masajistaren aurkako epaia eta Dani Alvarezek Euskal Kazetarien Saria jasoko du
Gaurkoan Orain-en albiste izango direnen laburpena, bi hitzetan.
Nor da Zohran Mamdani, Trumpen amesgaizto berria?
34 urterekin, Mamdani alderdi demokrataren barruko olatu aurrerakoia, kultura aniztasunaren aldekoa eta ezkerzale berriaren izarra da. New Yorkeko alkate berriak boto gazte eta multikulturala bereganatzea lortu du, etxebizitza eskuragarrian eta ezker demokrataren berrikuntzan oinarritutako mezuari esker.
Mamdanik hauteskundeak irabazi ditu New Yorken eta "gizadiarentzat hobea den egun baten egunsentia" agindu du
Zohran Mamdani demokrata New Yorkeko historiako lehen alkate musulmana izango da, botoen % 50 baino gehiago eskuratuta. "Hiri berpiztu bat" gidatuko duela eta "islamofobia eta antisemitismorik gabe" denontzat gobernatuko duela agindu du.
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.