Bederatzi soldadu ukrainar hil dira herrialdearen ekialdeko erasoetan
Bederatzi soldadu ukrainar hil eta hamahiru zauritu dira gaur Ukraina ekialdean, gobernuaren indarren eta errusiazaleen arteko erasoetan.
Slaviansk hirira sarreran bizi dira borrokarik gogorrenak azken lau egunetan. Huraxe da pasatu den apirilaren erdialdean Donetsken eta Lugansken eztanda egin zuen errusiazaleen gorakadaren sinboloa eta egoitza egun.
Ukrainako indarrek Nikolayevka herritik bota nahi dituzte errusiazaleak, bertatik igarotzen baita Slaviansken dauden matxinatuentzat azken hornikuntza bidea. Slavianskek zituen 120.000 biztanleetatik, 45.000 oraindik bertan daude.
Alexei Dmitrashovski operazio militarraren bozeramaileak adierazi duenez, Ukrainako tropek "gutxienez 150 miliziano" hil dituzte Slaviansk inguruan azken 24 orduetan.
Errusiazaleen aurka borrokan ari diren arren, Petro Poroshenko presidentea su eten berri bat adosteko prest agertu zen atzo, matxinatuek errespetatu eta bahitu guztiak askatzen badituzte.
Errusiazaleekin hitz egitea proposatu du Poroshenkok
Petro Poroshenko presidente ukrainarrak bihar errusiazaleekin hitz egiteko ordua eta lekua proposatu ditu, su eten iraunkor baterako baldintzak adostu asmoz. Beste aldeak erantzuna eman zain dagoela adierazi du Poroshenkok.
Mendebaldeko diplomaziako kide batek uste du berriro Donetsken izango direla negoziazioak, errusiazaleen menpe dagoen ekialdeko hiri nagusian.
Poroshenkok Catherine Ashton Europako diplomaziako buruari jakinarazi dio Kievek ordua eta lekua proposatu dituela larunbateko negoziazioetarako, baina ez ditu datuak argitu.
Agintari errusiazaleek uste dute lekua arazo bat izan daitekeela, ekialdeko egoitzak utzita, Ukrainako agintariek euren ordezkariak atxilotzeko beldur baitira.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.