Matxino errusiazaleek hegazkinaren kutxa beltzak entregatu dituzte
Matxino errusiazaleek ustez misil batek Ukraina ekialdean eraitsi zuen Boeing-777 hegazkinaren bi kutxa beltzak entregatu dizkiete Malaysiako agintariei.
"Ez gara inori ezer egozteko etorri. Bi kutxa beltzak Malaysiarenak dira. Itxura batean, badirudi ukitu gabe daudela", azaldu du Malaysiako koronel batek, matxino errusiazaleekin bildu eta gero.
Aleksandr Borodai Donetsk eskualde matxinoaren lehen ministroak eman dizkie kutxa beltzak, bere Gobernuaren egoitzan egindako ekitaldi batean.
"Orain hiru gauza egin behar ditugu: gorpuak aberriratu, kutxa beltzak eraman eta objektu pertsonalak jabeei itzuli", azaldu du koronel malaysiarrak.
Bordairen ustez, kutxa beltzak aztertzeak "hondamendi izugarri hau" nola gertatu den argitzea ahalbidetuko du.
"Ukrainak ez du nazioarteko ikerketa objektibo bat nahi, egia azaleratzea saihesteko", esan du, eta ukatu egin du matxinoek hegazkina eraitsi izana. "Ez dugu [hori egiteko beharrezkoa den] teknologia, eta, are garrantzitsuago, ez genuen arrazoirik, ez baitugu ezer irabazten tragedia honekin", ohartarazi du.
Bestalde, 282 gorpu dituen tren-izozkailua Kharkivera iritsi da jada. Bertan, hainbat adituk aztertuko dituzte gorpuak, tartean Herbehereetako adituek, biktima gehienak herrialde horretakoak baitziren.
Albiste gehiago mundua
Zuzenean: Iranek su-etena berretsi eta ukatu egin du su-etenaren ostean Israelen aurka misilak jaurti izana
AEBko presidenteak su-etena iragarri du Truth sare sozialean. Israelek berehala onartu eta salatu du Iranek misilak jaurti dituela bere instalazioen kontra, baina Iranek ukatu egin du.
Albiste izango dira: su-etena Israel eta Iran artean, Gobernu Kontseiluaren urteurrena eta abisu horia beroagatik
Gaurkoan albiste izango direnen laburpena, bi hitzetan.
Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
Iranek iragarri du Estatu Batuek Qatarren dituzten basearen aurka eraso egingo duela
Ez du eman erasoaren inguruko xehetasunik, baina Qatarreko hiriburuan leherketak entzun dira. Al-Udeid aire-basea 1996an eraiki zen, eta Estatu Batuetako Aginte Zentralaren kuartela da. Ipar Amerikako herrialdeak eskualdean duen base handiena da, 10.000 soldadu inguru biltzen baitira bertan.
Rubin behatokiak "gaueko zeruari buruz inoiz egin den filmik konpletoena" izango denaren lehen irudiak argitaratu ditu
Irudi hauek "time-lapse" baten hasiera dira, eta hamarkada batez zeru australa kartografiatu ondoren osatuko da. Bideoak hainbat gai eta galderari sakontasunez begiratu eta erantzutea ahalbidetuko du, esaterako: energiaren eta materia ilunaren ezaugarriak, Esne Bidearen eraketa, eguzki-sistemako gorputz txikien propietateak eta arriskutsuak izan daitezkeen asteroideen ibilbideak.
Iranek AEBri erantzun dio, Qatarreko Al Udeid base estatubatuarraren aurka misilak jaurtita
Horrela, Iranen kontraerasoa eskualdean gerra eskalatzen ez jarraitzeko diseinatu dela uste da; izan ere, aldez aurretik jakinarazi du, eta, ondorioz, Al Udeid basea partzialki hustu ahal izan dute erasoaldia gertatu baino lehen. Trumpek berak ere baieztatu du Teheranek aldez aurretik jakinarazi diela bonbardaketa, eta eraso "oso ahula" izan dela erantsi du.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena