EBk kurduei armak ematea babestu du, Iraken baimenarekin egitekotan
EBren Atzerriko Arazoetarako ministroek Irakeko eskualde-agintari kurduei era positiboan erantzuteko banakako herrialdeen erabakia babestu dute, urgentziaz armez hornitzeko. "Irakeko nazio-agintarien baimenarekin" egingo dute.
Hogeita zortziek ongietorria eman diete, gainera, "AEB Irakeko eta Siriako Estatu Islamiarraren aurka borrokatzeko eta Irakeko nazio-agintariei laguntzeko" egiten ari den "ahaleginei", horren eretzeen aurkako aire-erasoen bidez, eta onartu dute Europak eta Nazioarteko Komunitateak terrorismoaren aurka borrokatzeko ardura dutela.
Hori dela eta, kideak diren Estatuen erabakia babestu dute, eskualde-agintari kurduen deiari erantzun positiboa ematea, armez urgentziaz hornitzeko, adostutako ondorioen testuaren arabera. Irakeko krisia aztertu dute, Estatu Islamiarraren aurreratzeagatik, eta indar kurduei armak ematea ala ez eztabaidatu dute. Frantziak eta Estatu Batuek, hain zuzen ere, eman dizkiete, dagoeneko.
"Irakeko agintarien baimenarekin"
"Esandako erantzunak kideak diren Estatuen gaitasunak eta nazio-legeria kontuan hartuta egingo dira, eta Irakeko agintarien baimenarekin", ondorioen testuak zehazten duenez.
EBk 2004an sartu zuen salbuespen bat Iraken armen enbargoan, Bagdadeko Gobernuak eskatutako ekipo militarren ematea baimentzeko, baina Espainiak eta Italiak nabarmendu dute, batez ere, agintari zentralen baimena egoteko beharra. Suediak ere babestu du hori.
Suediak eta Austriak ez dute armarik emango
Frantzia armamentua ari da ematen, eta Txekiak esan du espero duela abuztuaren amaieran hastea. Erresuma Batuak eta Alemaniak ere baliteke egitea, eta Herbehereek ez dute baztertu. Suediak eta Austriak, aldiz, baieztatu dute ez dutela aurreikusita armamentua ematea.
Irakeko Gobernuak, bere aldetik, armak eta munizioa eman dizkie indar irakiarrei, iturri diplomatiko europarrek baieztatu dutenez.
Zure interesekoa izan daiteke
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.