Bahitutakoak askatzeko operazioak porrot egin zuela onartu dute AEBek
Etxe Zuriak asteazken honetan baieztatu du Estatu Islamikoak James Foley kazetari estatubatuarrari burua mozten dioten bideoa benetakoa dela. Foley 2012ko azaroan bahitu zuten Sirian.
"James Foley eta Steven Sotloff estatubatuarrak ageri diren bideoa ikertu berri dute AEBko Inteligentzia Zerbitzuek. Bideoa benetakoa dela baieztatu dugu", esan du Caitlin Hayden, Etxe Zuriko Segurtasun Nazionalerako Kontseiluko bozeramaileak.
Atzo, asteartea, Yihadusten foro ezberdinetan zabaldutako bideoan Foley haren familia agurtzen ikus zitekeen eta, Iraken esku hartzeagatik, AEBko Gobernuari egozten zion bere exekuzioaren errua. Ondoren, inglesez hitz egiten zuen gizonezko batek lepoa mozten zion kazetariari kamera aurrean.
Irudietan, Foley estatubaturraz gain, Seteve Joel Sotloff kazetari estatubatuarra ere ageri zen, bahitutako beste kazetari bat, alegia, eta grabaketaren arabera, honen bizitza "Obamak hartuko zituen erabakien" esku zegoen.
Foleyren familiak 2013ko urtarrilean agiri batean jakinarazi zuen 2012ko azaroan armatutako zenbait gizonek bahitu zutela Foley Siriako ipar-ekialdean.
Astelehenean, Estatu Islamikoak mehatxu egin zion AEBko Gobernuari, Irakeko erasoak bertan behera utzi ezean estatubatuarren kontrako erasoak egingo zituztela esanez.
Etxe Zuriak bart azaldu duenez, Sirian bahitutako estatubatuarrak askatzeko operazio bat martxan jarri zuten orain zenbait aste, baina porrot egin zuten. Antza, bahituak ustez zeuden toki horretan ez zuten inor aurkitu, Pentagonoak zehaztu duenez.
Obama: 'Errotik atera behar dugun minbizia dira'
Barack Obama AEBetako presidenteak bere atsekabea adierazi du 2012an Sirian bahitutako James Foley kazetariaren hilketarekin. Haren ustez "mundu osoa astindu duen indarkeria ekintza" da hau.
Obamak jakinarazi du Foleyren familiarekin hitz egin duela, telefonoz: "Esan diet denok dugula bihotza apurtuta, galera honengatik, eta haien ondoan gaudela. Gaur, AEBko herritarrek Jim maite zutenen alde egingo dute otoitz".
Nabarmendu duenez, "mundu osoa dago ados gauza batean: Estatu Islamiarra bezalako talde terroristek ez dute inolako zentzurik XXI. mendean. Jende honek porrot egingo du, etorkizuna eraikitzen dutenena baita, ez suntsitzen dutena", esan du.
Cameron: "Oso kezkagarria da Foleyren hiltzailea britainiarra izan ahal izatea"
David Cameron Erresuma Batuko lehen ministroaren ustez, "oso kezkagarria" da James Folyeren hiltzailea britainiarra izateko aukera egotea. "Gaitzetsi nahi dut gertakaria, ankerra eta oso zakarra izan da; hilketa bat da, inolako justifikaziorik ez duen hilketa bat", esan du prentsaurrekoen, Downing Streeten.
Cameronek argitu duenez, agintari britainiarrek oraindik ez dute identifikatu Foley hil duen gizonezkoa nor den. “"Baina -gehitu du- ikusi ahal izan dugunagatik, baliteke britainiarra izatea”" zehaztu du.
John McCain senatari errepublikanoak, bitartean, eskatu du AEB Iraken egiten ari diren bonbardaketak “areagotzea”, James Foleyrekin jazotakoaren ostean.
Albiste gehiago mundua
Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
AEBk Qatarren duten basearen aurkako erasoa iragarri du Iranek
Erasoaren inguruko xehetasunik ez du eman, baina leherketak entzun dira Qatarreko hiriburuan. Al Udeid aire-basea 1996an eraiki zen eta Estatu Batuetako Aginte Zentralaren kuartela da. Herrialde iparramerikarrak eskualdean duen base handiena da, 10.000 soldadu ingururekin.
Rubin behatokiak "inoiz egin den gaueko zeruari buruzko filmik osoena" izango denaren lehen irudiak argitaratu ditu
Irudi hauek "time-lapse" baten hasiera dira, hamarkada batez zeru australa kartografiatu ondoren osatuko dena. Energiaren eta materia ilunaren ezaugarriei, Esne Bidearen eraketari, eguzki-sistemako gorputz txikien propietateei eta arriskutsuak izan daitezkeen asteroideen ibilbideei buruzko galderetan sakontzea ahalbidetuko du bideo honek.
Iranek AEBri erantzun dio, Qatarreko Al Udeid base estatubatuarraren aurka misilak jaurtita
Horrela, Iranen kontraerasoa eskualdean gerra eskalatzen ez jarraitzeko diseinatu dela uste da; izan ere, aldez aurretik jakinarazi du, eta, ondorioz, Al Udeid basea partzialki hustu ahal izan dute erasoaldia gertatu baino lehen. Trumpek berak ere baieztatu du Teheranek aldez aurretik jakinarazi diela bonbardaketa, eta eraso "oso ahula" izan dela erantsi du.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".