Alemaniak eta Australiak armak bidaliko dizkiete Iraken dauden kurduei
Australiak iragarri duenez, Iraken dauden soldadu kurduentzako armak eramateko operazioan parte hartuko du, AEBk eskatu bezala, Estatu Islamiarren kontrako borrokan laguntzeko.
Tony Abbott Australiako lehen ministroak iragarri du erabakia ohar baten bidez. Gainera, zehaztu duenaren arabera, Australiak Hercules C-130J eta Globemaster C-17A modeloetako hegazkin bana eramango du, ABC telebista-kate australiarraren arabera.
Hortaz, hegazkin australiarrek AEB, Albania, Kanada, Kroazia, Danimarka, Italia, Frantzia eta Erresuma Batu herrialdeetako hegazkinekin bat egingo dute, Estatu Islamiarraren kontrako borrokan.
"Operazioak abian dira dagoeneko", esan zuen John Kirby kontralmirante eta Pentagonoko bozeramaleak; gainera, "datozen egunetan" bizkortuko direla zehaztu zuen.
"Nazio askoren ahalegin hau -Irakeko Gobernuak (Bagdad) koordinatuta- lagungarri izango zaie tropa kurduei Estatu Islamiarraren mehatxu terrorista basatiari aurre egiteko orduan", bozeramalearen hitzetan.
Alemaniak tankeen kontrako misilak eta metrailadoreak bidaliko dizkie kurduei
Angela Merkel Alemaniako kantzillerra bere ministroekin elkartu da igande arratsaldean Iraken borrokan diharduten kurduei armak nola bidali zehazteko. Alemaniako hedabide nagusien aurreratu dutenez, Alemaniako Gobernuak kurduei tankeen kontrako misilak eta metrailadoreak bidaltzea adostu du.
Astelehenean Alemaniako Parlamentuak onespena emango dio arma bidalketari.
Irakeko Armadak eta milizia xiitak Amerli herrian sartu dira
Irakeko Armadak eta milizia xiitek Irak iparraldeko Amerli herrian sartzea lortu dute, AEBko Armadaren bonbardaketen ondoren Estatu Islamiarraren bi hilabeteko setioa gaindituta.
Amerliko alkateak eta Irakeko Armadako kideek jakinarazi dutenez, soldaduek eta milizia xiitek herriaren ekialdeko jihadistak menderatzea lortu dute, eta handik barrena herrian sartzea lortu dute. Dena den, herriaren iparraldean borrokan jarraitzen dutela azpimarratu dute.
Jihadistek bi hilabetez setiatu dute xiitak gehiengoa diren herria, eta gaur AEBko Armadak egindako bonbardaketen ondotik, herritarrei giza-laguntza eman diete.
Estatu Islamiarreko 26 kide hil dituzte
AEBko Armadak Estatu Islamiarreko 26 miliziano hil ditu igande honetan Zammar barrutiaren kontra egindako erasoan, NINA Irakeko albiste agentziak zabaldutako datuen informazioaren arabera.
Auzitegi Medikuntza departamenduko iturriek baieztatu dutenez, Estatu Islamiarreko 26 kideren hilotzak jaso dituzte.
Albiste gehiago mundua
AEBk Qatarren duten basearen aurkako erasoa iragarri du Iranek
Erasoaren inguruko xehetasunik ez du eman, baina leherketak entzun dira Qatarreko hiriburuan. Al Udeid aire-basea 1996an eraiki zen eta Estatu Batuetako Aginte Zentralaren kuartela da. Herrialde iparramerikarrak eskualdean duen base handiena da, 10.000 soldadu ingururekin.
Rubin behatokiak "inoiz egin den gaueko zeruari buruzko filmik osoena" izango denaren lehen irudiak argitaratu ditu
Irudi hauek "time-lapse" baten hasiera dira, hamarkada batez zeru australa kartografiatu ondoren osatuko dena. Energiaren eta materia ilunaren ezaugarriei, Esne Bidearen eraketari, eguzki-sistemako gorputz txikien propietateei eta arriskutsuak izan daitezkeen asteroideen ibilbideei buruzko galderetan sakontzea ahalbidetuko du bideo honek.
Iranek AEBri erantzun dio, Qatarreko eta Irakeko base estatubatuarren aurka misilak jaurtita
Irango Indar Armatuek Ameriketako Estatu Batuen "erregimen kriminalak" instalazio nuklear "baketsuen" aurka egindako erasoari erantzun diotela esan dute. Qatarren daude AEBko kuartel nagusi aurreratua eta Al Udeidko aire-basea, 1996an eraikia.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.