Senatuaren herena eta Ordezkarien Ganbera berritzeko bozak, AEBn
230 milioi estatubatuar bozkatzera deituta daude gaur Midterms agintaldi erdiko hauteskundeetan. Ordezkarien Ganberako 435 kideak, Senatuaren herena, Goi Ganberako hiru eserlekuak, 36 gobernadore eta dozenaka goi-kargudun aukeratu behar dituzte.
Barack Obamaren agintaldiaren erreferendum gisa har litezke hauteskundeok, presidentearen ospea maila baxuenean dagoen honetan. 2016an presidentea aukeratu beharko dute AEBn, eta boz hauetan gertatzen denak zuzenean eragin dezake hautu horretan.
Adituen esanetan, herritarrek zigor botoa emango diote Obamari, eta, hortaz, demokratek babesa galduko dute. Hala, Ordezkarien Ganberan errepublikanoek duten gehiengoa gainditu ezinda geratuko dira demokratak, eta Senatuan duela 8 urte duten gehiengoa gal dezakete.
'Obama efektua' saihesten eman dute kanpaina hautagai demokratek, eta botoa nori eman zalantzan duten estatuetan errepublikanoen kudeaketa txarra kritikatzen aritu dira.
Pew Research Center inkesta-etxeak egindako ikerketaren arabera, estatubatuarren % 32k Obamaren kontra bozkatuko du, % 20k alde, eta % 45ek esan du bozkatzeko orduan ez duela presidentea kontuan hartzen.
Senatuaren kontrola
Hori horrela, Senatuaren osaera da hauteskunde hauen gakoetako bat. Azken bi agintaldietan demokratak izan dira nagusi bertan, baina badirudi gaurko hauteskundeetan logika hori irauli egingo dela. Errepublikanoek Senatuaren kontrola bereganatzeko, dituzten eserlekuei eutsi eta demokraten esku dauden beste sei eskuratu beharko dituzte.
Errepublikanoek Senatuaren kontrola lortuta, Obamak zail edukiko luke aurrera atera nahi dituen proiektuak onartzea. Nolanahi ere, beto eskubidea du presidenteak, eta atzera bota ditzake errepublikanoen asmo guztiak.
100 eserleku daude Senatuan. Sei urtean behin aukeratzen dituzte, eta bi urtean behin, berritu. Oraingo honetan, 33 senatariren eserlekuak berritu eta huts geratu diren Hawaii, Oklahoma eta Hego Carolina estatuetako eserlekuak bete behar dituzte.
Alderdi Demokratak 53 senatari ditu eta Alderdi Errepublikanoak, berriz, 45; beste bi independenteak dira. Berritu beharreko 33 horietatik, 20 demokraten esku daude eta errepublikanoen esku daude gainerako 13ak. Hutsik geratutako diren horien artean, bi senatari errepublikanoak ziren, eta bestea demokrata zen.
Ordezkari Ganberan ere errepublikanoen garaipena espero da; 6-12 eserleku gehiago eskuratzea espero dute. Muga hori gaindituko balute (13 aulki edo gehiago eskuratuta), 1928tik duten gehiengo zabalena izango lukete errepublikanoek.
Albiste gehiago mundua
Ehunka lagun abiatu dira Euskal Herritik Bartzelonara igande honetan Gazara aterako den ontzidiari babesa ematera
Bart gauean autobusak atera dira euskal hiriburuetatik Zerrendara janaria eta sendagaiak eramateko eta Israelek egiten duen blokeoa eta genozidioa salatzeko helburuz abiatuko den ontzidiari babesa ematera.
Igande honetan abiatuko da Bartzelonatik Gazara janaria eta sendagaiak eramango dituen flotilla
14:00ean atera dira berrogeita hamar ontzi inguruak, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die igandean Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.
Palestinaren aldeko artista juduen kolektibo batek BBCren kontzertu bat eten du, Londresen
"MSOk odola du eskuetan", oihukatu dute Jewish Artists for Palestine (Artista juduak Palestinaren alde) taldeko aktibistek Melbourneko Orkestra Sinfonikoak (MSO) ostiralean Londresko Royal Albert Hall aretoan eskaini duen emanaldian. Urtero udako kontzertuak antolatu ohi ditu BBCk, 'BBC Proms' ekimenaren baitan.
Epaile federal batek blokeatu egin ditu Trumpen deportazio azkarrak, derrigorrezko prozesua urratzen dutelakoan
Urtarrilean, Trumpek etorkinen "berehalako kanporatzeak" berrezarri zituen, lehen agintaldian (2017-2021) egin zuen moduan.