Obamak deportazioak eteteko emandako agindua txalotu dute etorkinek
AEBn bizi diren milioika hispaniarrak pozik azaldu dira deportazioak geldiarazteko Barak Obamak emandako agindua, Adiministrazioaren kontrako gatazka burokratikoa prestatzen, eta presioa areagotzen duten bitartean, Kongresuan migrazioari buruzko osoko erreforma onar dezaten.
Barack Obama presidentearen neurri unilateralak (ostegunean iragarri zituen) “historikotzat” jo dituzte etorkinek; alabaina, ekintzaileen iritzian, “tunelaren erdiko argia” da, baita herrialdean agiririk gabe bizi diren 11 milioiren etorkinen aldeko borrokan jarraitzeko bultzada ere.
“Guk borrokan jarraituko dugu, benetako erreforma lortu arte… errepublikanoen erronka da orain”, esan du Francisco Portillok, Francisco Morazan Erakunde Hondurastar Integratuaren presidenteak.
Obamaren dekretuaren bidez, agiririk gabeko bost milioi etorkin inguru deportatzea saihestuko du, horien artean hiritar estatubatuarren gurasoak eta garai batean familiak ekarritako agiririk gabeko ikasleak.
Errepublikanoen salaketa
Bestalde, Obamaren Gobernua salatu dute gaur errepublikanoek, legearen aplikazioa errazteko osasun erreforma dekretu bidez aldatzeagatik. Salaketa Obamak bost milioi etorkin erregularizatzeko erabakia hartu eta egun bat geroago aurkeztu dute errepublikanoek.
“Behin eta berriro, herri estatubatuarraren borondateari entzungor egin dio presidenteak, eta Kongresuaren botorik gabe lege federala berriz idaztea erabaki du”, adierazi du John Boehner Ordezkarien Ganberako presidenteak.
Immigrazioaren inguruko neurriak kritikatzeko prentsaurrekoa eta minutu batzuk geroago agiri bat igorri du Boehnerrek salaketaren berri emateko. Immigrazioaren erreforma bat Kongresuan aurrera ateratzeko aukera “saboteatu” duela salatu du errepublikanoak.
Errepublikanoen mugimendua espero zuen Exekutiboak; izan ere, iragan uztailean salaketari oniritzia eman zion Ordezkarien Ganberak. Errepublikanoek gehiengoa dute Ganberan. Hala ere, AEBko komunikabideek azaldu dutenez, Boehnerrek arazoak izan ditu abokatuen sinadura lortzeko orduan.
“Presidenteak bere lege propioak bultzatuz nahi duena lortzeko aukera badu, etorkizuneko presidenteek ere gauza bera egingo dute”, ohartarazi du buruzagi errepublikanoak. “Gure Gobernu sistema ez zuten horrela diseinatu”, azpimarratu du Boehnerrek.
Obama “enperadorea”
Kongresuaren baimenik gabe dekretu bidez ekiteko boterea du presidenteak AEBn, eta horrek Etxe Zuriaren eta errepublikanoen arteko liskarrak sortu ditu azkenaldian. Immigrazioaren inguruko neurriak hartu eta gero, Obama “enperadore” eta “errege” bat dela salatu dute errepublikanoek.
“Bere lana egiteagatik” errepublikanoek presidentearen aurkako salaketa aurkeztea “zoritxarreko” erabaki bat dela uste du Eric Schultz Etxe Zuriko bozeramailearen ondokoak.
Albiste gehiago mundua
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.