Moratinos: 'Posible da agintaldia amaitu aurretik blokeoa kentzea'
Miguel Angel Moratinos Zapateroren Gobernuko Kanpo Gaietarako ministroa izan zenak adierazi du posible dela blokeo ekonomikoa Obamak agintaldia amaitu aurretik bertan behera uztea. “Inkestek eta herritarrek argi esaten dute: blokeo politikak porrot egin du””, gaineratu du.
AEB eta Kubaren arteko negoziazioen hastapenetan parte hartu zuen Moratinosek, Zapateroren Gobernuko Kanpo Gaietarako ministroa izan zen garaian (2004-2010). Izan ere, Obamaren eskutitza bat entregatu zuen Habanan, elkarrizketa abian jartzeko AEBko presidentearen prestutasuna agertuz.
Radio Euskadiri eskainitako elkarrizketan, Zapateroren Exekutiboak abian jarri zuen “elkarrizketa eta elkarlana” gogoratu ditu Moratinosek. “Elkarlan horrek bere emaitzak eman ditu eta, hortaz, estrategia zuzena jarraitu genuen”, adierazi du.
“Bere garaian kritikatu gintuzten pertsona guztiei eskatuko nieke gure estrategia zuzena izan dela onartzea. Elkarrizketa eta elkarlana dira arazoak konpontzen dituztenak”, esan du.
Blokeo ekonomikoarekin amaitzeari buruz, “baikor” agertu da Moratinos. “Azken inkesten arabera, herritar gehienek blokeoa kentzearen alde egingo lukete”.
“Egia da kontrako iritziak ere oraindik badaudela, baina gutxiengo batenak dira. Ez dut uste zailtasun handirik legokeenik blokeoaren amaiera Kongresuan onartu ahal izateko”, gaineratu du.
Zapateroren ministro ohiaren iritziz, Obamak agintaldia amaitu aurretik blokeoa altxatzea posible litzateke. “Anakronismo hori ezabatzeko lan egin behar dugu”, dio Moratinosek.
Blokeoarekin amaitzea “erabaki historikoa” izango dela azpimarratu du, AEBko eta Kubako herritarren onerakoa gainera.
Francisco aita santuak egindako lana goraipatu du Moratinosek, baita Ortega kardinalarena ere. “Negoziazio horren alde lanean aritu da, akordioa lortu arte”.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.