AEB eta Kuba, harreman diplomatikoak normalizatzeko bidean
Berrogeita hamahiru urteko lehia politikoaren ostean, AEBk eta Kubak harreman diplomatikoei berriz ekiteko akordio historikoa lortu dute asteazken honetan.
Harremanak guztiz hautsita zeuden 1960tik. Urte horretan, Washingtongo Gobernuak blokeo ekonomikoa ezarri zion uharteari, 1959ko iraultza komunistaren ondorioz.
Akordioa Barack Obama eta Raul Castro AEBko eta Kubako presidenteek iragarri dute, euren herrialdeetako telebistetan egindako bi agerralditan.
"50 urteko isolamenduak ez du funtzionatu", aldarrikatu du Obamak, Etxe Zuritik eskainitako hitzaldi batean, eta duela mende erdi Kubari ezarritako politikek "porrot" egin dutela gaineratu du. Era beran, Castrok "bi herrialdeen arteko giroa hobetzeko" neurriak iragarri ditu.
Obamak eta Castrok ordubete hitz egin zuten atzo telefonoz, hartu-emanak berreskuratzeko. 1959 urtetik AEBko eta Kubako presidenteek izan duten lehen komunikazio zuzena izan zen.
Negoziazio sekretuak, baina, duela hainbat hilabete abiatu zituzten, eta, horietan, Frantzisko aita santuak eta Kanadak parte-hartze garrantzitsua izan dute, bi aldeek aitortu dutenez.
AEBn eta Kubaren arteko harremanetan jazotako norabide aldaketa hau presoak elkar trukatzeko akordio bati esker etorri da. Hain zuzen ere, Habanak Alan Gross kontratista estatubatuarra eta inteligentzia agente bat askatu ditu, eta Washingtonek, aldiz, hiru espioi kubatar.
Enbaxak irekiko dituzte
Telebistan eskainitako hitzaldian, Obamak Kubari duela 53 ezarritako blokeoa kentzea proposatu dio Kongresuari.
Bien bitartean, blokeo hori leuntzeko hainbat neurri iragarri ditu, hala nola Kuban enbaxada bat irekitzea eta AEBko goi-kargudunek uhartea bisitatzea.
Halaber, merkataritza mugak arindu egingo dituzte, eta estatubatuarrak Kubara joan ahal izatea eta bertan euren kreditu txartelak erabiltzea baimenduko dute.
Bi gobernuek lankidetza esparruak zehaztuko dituzte, hala nola osasunean, migrazioan eta narkotrafikoan.
Bestalde, AEBk terrorismoa sustatzen duten herrialdeen zerrendatik kenduko du Kuba.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.