Iraken bahitutako 150 jazidi aske utzi ditu Estatu Islamikoak
Estatu Islamikoak abuztuan Irakeko iparraldeko Sinyar inguruan bahitu zituen jazidietatik 150 inguru askatu ditu.
Jadida Hamu Niniveko eskualde kontseiluko kideak azaldu duenez, Estatu Islamikoak Tel Afarreko espetxetik Al Rimeko ingurura eraman ditu askatutakoak. Taldean haurrak, emakumezkoak eta adinekoak daude.
Kurduen kontrolpeko eremuetara jo dute aske utzitako yazidiek. Ondoren, kurduek Erbileko probintziara eraman dituzte, Irakeko Kurdistanera.
Jazidien bozeramaileak ez du bahiketaren baldintzen inguruko xehetasunak eman, baina ospitalera eramango dituztela jakinarazi du, osasun azterketak egin diezazkieten.
Zoroastrismoan oinarritutako erlijioa dute jazidiek, eta horregatik jomugan ditu Estatu Islamikoak, bere iritzian, fedegabeak direlako.
Estatu Islamikoak ekainean Irak iparraldea mendean hartu zuenetik hona, 500.000 pertsonak baino gehiagok egin dute ihes eskualdetik. Horietatik asko jazidiak dira.
Albiste gehiago mundua
AEBk Qatarren duten basearen aurkako erasoa iragarri du Iranek
Erasoaren inguruko xehetasunik ez du eman, baina leherketak entzun dira Qatarreko hiriburuan. Al Udeid aire-basea 1996an eraiki zen eta Estatu Batuetako Aginte Zentralaren kuartela da. Herrialde iparramerikarrak eskualdean duen base handiena da, 10.000 soldadu ingururekin.
Rubin behatokiak "inoiz egin den gaueko zeruari buruzko filmik osoena" izango denaren lehen irudiak argitaratu ditu
Irudi hauek "time-lapse" baten hasiera dira, hamarkada batez zeru australa kartografiatu ondoren osatuko dena. Energiaren eta materia ilunaren ezaugarriei, Esne Bidearen eraketari, eguzki-sistemako gorputz txikien propietateei eta arriskutsuak izan daitezkeen asteroideen ibilbideei buruzko galderetan sakontzea ahalbidetuko du bideo honek.
Iranek AEBri erantzun dio, Qatarreko base estatubatuarren aurka misilak jaurtita
Irango Indar Armatuek Ameriketako Estatu Batuen "erregimen kriminalak" instalazio nuklear "baketsuen" aurka egindako erasoari erantzun diotela esan dute. Qatarren daude AEBko kuartel nagusi aurreratua eta Al Udeidko aire-basea, 1996an eraikia.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.