Estatu Islamikoak jihadera deitu ditu Frantziako musulmanak
Estatu Islamikoko hiru ustezko kide frantziarrek jihadarekin bat egiteko deia egin diete Frantziako Estatuko musulmanei, Interneteko foroetan zabaldutako bideo batean.
Itxura epikoko eta propagandistikoko bideo horretan, jihadista frantziarrak suaren ondoan ageri dira, pasaporteak erretzen.
Gero, horietako hiru ikus-entzuleei zuzentzen zaizkie, aurpegia estalita duten kide batzuen ondoan, eta mehatxuak egiten dizkiote Frantziari, bertan atentatuak egiteko deia egitearekin batera.
"Zeren zain zaudete? Zergatik ez duzue emigratu? Baliteke egunen batean mugak ixtea, eta orduan malkoak eta atsekabea bakarrik geratuko dira. Honaino iristeko bidea erraza da", adierazi du Abu Osama al-Faranci izena omen duen batek.
Beste batek, Abu Maryam al-Faranci delako batek, "erosketak egitera joaten direnean ere arriskuan" egongo direla ohartarazi die Frantziako Estatuko herritarrei, eta bertan emakume musulmanek niqab aurpegia estaltzeko errezela erabiltzeko dituzten mugak salatu ditu.
Azkenak, Abu Salman al-Farancik, berriz, Frantziako Estatuko herritarren kontra "armak, autoak eta pozoia ere" erabiltzeko deia egin die musulmanei.
Bideoa tentsio handiko une batean argitaratu dute. Izan ere, Peter Kassig estatubatuarraren eta 18 siriarren hilketa erakusten duen bideoan bi herritar frantziar ageri dira, Maxime Hauchard eta Mickael Dos Santos, eta horrek hautsak harrotu ditu.
Agintarien arabera, Frantziako Estatuko 1.100 herritar inguru daude jihadisten sareetan sartuta, eta horietako 380 Siriara edo Irakera joan dira.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.