Peter Kassig bahituari lepoa moztu dio Estatu Islamikoak
Estatu Islamikoak Peter Kassig bahituari lepoa mozten ikusten den bideoa argitaratu du. Kassig AEBko herritarra da eta, kooperante lanetan aritu aurretik, militarra izan zen. 2013ko urrian bahitu zuten Sirian. AEBko inteligentzia zerbitzuek bideoaren egiazkotasuna egiaztatu ostean, Barack Obama presidente estatubatuarrak Peter Kassigen heriotza baieztatu du.
"Gaur gure otoitzetan Abdul-Rahman Kassig, Peter gisa ezaguna zena, izango dugu gogoan eta doluminak eman nahi dizkiegu haren guraso eta senideei. Ezin dugu imajinatu ere egin une zail hauetan izango duten samina", adierazi du ohar batean.
Grabaketa gaur, igandea, igo dute sarera, baina bertan ez da ikusten zelan moztu dioten burua; aldiz, kaputxadun gizon bat ageri da, bere oinen ondoan moztutako buru bat duela, odoletan.
Gizonak ingelesez hitz egiten du, britainiar azentuarekin, eta, dioenez: "Honako hau Peter Edward Kassing da, hiritar estatubatuarra". Aurrekoetan bezala, hiltzailea Estatu Islamikoko milizianoa omen da eta 'Jihadi John' izenez aurkeztu du bere burua.
Zaid Benjamin kazetariaren arabera, bideoan -lehenengo aldiz- hilketa non egin duten adierazi dute; Dabiq herrian, alegia, Alepo probintzian, Siriako iparraldean.
Bideoan, halaber, jihadista gehiago ageri dira, horien artean, islamera bihurtutako alemaniar bat eta, Benjaminek Twitterren duen kontuan adierazi duenez, dozena bat soldadu siriar hil dituzte.
Cameron, "izututa"
David Cameron lehen ministro britainiarrak bideoak izutu duela adierazi du.
"Izututa nago Abdul-Rahman Kassigen hilketa gordinarekin. Estatu Islamikoak bere gaiztakeria agerian utzi du berriz ere. Doluminak familiari", esan du Cameronek Twitterren duen kontuaren bidez.
Islamera bihurtu den soldadua
Kassing, 26 urteko indianarra, islamera aldatu zen bahiketaldian, eta Abdul-Rahman izena hartu zuen. Azken asteetan, bere gurasoek Kassing ez hiltzeko eskatu diote behin eta berriro Estatu Islamikoari, Alan Henningen hilketaren bideoan agertu baitzen, urriaren 3an.
Hildako estatubatuarrak Irakeko gerran parte hartu zuen 2007an, Armadan izan zen garaian, eta, ondoren, Larrialdiko Erantzuna eta Laguntza Berezia (SERA) gobernuz kanpoko erakundea sortu zuen, Siriako gerra zibileko biktimei laguntzeko helburuarekin.
Zure interesekoa izan daiteke
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.
Girondako suteak 240 etxebizitza suntsitu ditu eta 75 suhiltzaile zauritu dira
42.000 hektarea kiskali ditu jada, eta 220.000 pertsona ebakuatu behar izan dituzte. Agintariek, hala ere, baztertu egin dute Bordele husteko aukera, oraingoz. Macron presidenteak ministerio arteko bilera deitu du astelehen goizerako, krisia aztertzeko.