Egiptoko Poliziak Aynad Misr talde terroristaren buruzagia hil du
Aynad Misr (Egiptoko Soldaduak) talde terroristaren buruzagi Hamam Mohamed Atiya hil egin du Egiptoko Poliziak, Egiptoko Barne Ministerioak jakinarazi duenez. Operazioa Kairoko Al Harameko auzoan izan da.
Poliziaren eta segurtasun indarren aurkako 26 eraso antolatu izana leporatu diote Atiyari. Atentatu gehienak Kairon izan ziren.
2013ko uztailean Mohamed Mursi presidentea boteretik bota zuen Estatu-kolpearen ostean sortu zuten Aynad Misr talde terrorista. Segurtasun indarren aurka hiriburuan izandako atentatu anitz bere gain hartu ditu talde horrek.
Aynad Misr talde terroristen zerrendan sartzeko agindu zuen maiatzean Kairoko epaitegi batek.
Barne Ministerioak zabaldutako agiriaren arabera, Ansar Beit al Maqdis talde terroristaren burua ere zen Atiya. Talde horrek izenaz aldatu zuen, eta azaroaz geroztik Wilayat Sina deitzen da, Estatu Islamikoari leialtasuna hitzeman ostean.
Hala ere, talde hori 2013an desegin zen, eta Aynad Misr sortu zuten.
Ministerioaren oharrak dioenez, atxiloketaren unean tiroketa jazo da, eta Atiya bertan hil da.
Operazioan hainbat material atzeman dute: metraileta bat, pistola bat, lau lehergailu, bonbak egiteko materiala, 76.875 libra egiptoar (10.000 dolar inguru) eta ordenagailu bat.
Mursiren aurkako kolpe militarren ondorioz, indar armatuen aurkako erasoak areagotu ziren. Anai Musulmanak talde ultrakontserbadorearen buru zen Mursi, eta talde terrorista ere izendatu zuten geroago alderdi hura.
Zure interesekoa izan daiteke
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.