Obamaren eta Castroren arteko agurrak Panamako goi-bilera abiarazi du
"Adiskidetzearen goi-bilera" izenarekin ezaguna den batzarra, Ameriketako Goi-Bilera, alegia, Panaman abiarazi dute gaurtik aurrera. Ameriketako kontinentearen herrialde guztiak bertan izango dira, baina protagonismo osoa erakarri du Barack Obama eta Raul Castro presidenteen arteko bostekoak.
Juan Carlos Varela Panamako presidenteak irekiera-ekitaldiaren hitzaldia eskaini du. Hala ere, Ameriketako VII. Goi-bileraren benetako hasiera aurretik jazo da, Obama AEBetako presidentea eta Castro Kubako presidentea agurtu direnean. Anayansiko antzokian sartzerakoan, topo egin dute, eta Ban Ki-moon NATOko idazkari nagusiaren aurrean elkar agurtu dira.
Topaketa laburra izan da da, baina "historikoa", Varelak, Ban Ki-moonek eta Jose Maria Insulza Estatu Amerikanoen Erakundeko idazkari nagusiak azpimarratu dutenez.
Ausardia eta borondatea
"Estatuburuen eta Gobernuburuen ausardia eta borondatea" goratu ditu Panamako presidenteak, "desadostasun historikoak alde batera utzi dituztelako; elkar ulertzeko saiakerak daude, herrialdeetarako eta gure kontinenterako egun hobeak ekar ditzaten".
NATOko idazkari nagusiaren iritzian, berriz, "Obama eta Castro hemen egoteak eskualdean luzaroan izandako nahia betetzea dakar".
Aldebiko bilera
Obamaren eta Castroren arteko agurra jazo eta gero, aldebiko bilera izango dute bi buruzagiek igande honetan, harreman diplomatikoak berriro abiaraziko zituztela iragarri zutenetik lau hilabete igaro ostean.
Gerra Hotzako bi etsaien arteko adiskidetzearen ondorioz, AEBen eta Venezuelaren arteko harremanak okertzen ari dira. Gainera, harreman horrek okerrera egin du, joan den hilabetean Obamak Venezuelari zigor ekonomikoak ezartzea erabaki duenean.
Kerry eta Rodriguez
Abenduan AEBk eta Kubak harremanak berreskuratzea erabaki zutenean, Obamak eta Castrok telefonoz hitz egin zuten. Gainera, 2013ko abenduan topo egin zuten Nelson Mandelaren hileta-elizkizunean. Orduan, baina, elkar agurtzea baino ez zuten egin.
Orain arte, AEBren eta Kubaren artean egindako goi-mailako bilera ofizial garrantzitsuena atzo egin zuten John Kerry Estatu idazkariak eta Bruno Rodriguez kantzilerrak, hots, bi herrialdeotako Atzerri ministroek.
Estatu Departamentuak bileraren argazki bat publikatu zuen atzo Twitterren:
Bileraren ostean, Kuba terrorismoa sustatzen duten herrialdeen zerrendatik kentzea aholkatu dio Kerryk Obamari. Orain, Etxe Zuriko lantalde batek aztertuko du eskaera, eta ondorioak presidenteari igorriko dizkio.
Kubak zerrenda horretatik desagertzea eskatu du, baina ez du hori baldintza gisa jarri harreman diplomatikoak berreskuratzeko. Dena dela, AEBk eskaera onartzea normalizaziorako aurrerapauso garrantzitsua izango litzatekeela uste dute adituek.
Barack Obama eta Raul Castro, Nelson Mandelaren hiletan elkar agurtzen. EFE
Ez dute adierazpen bateraturik adostuko
Bestalde, Ameriketako Goi-bilerari berari dagokionez, batzarra adierazpen bateraturik gabe bukatuko da, akordio ezaren ondorioz. Horren ordez, Panamak egingo du testu bat, herrialde anfitrioi gisa.
Akordioa lortzeko oztopoa AEBk Venezuelari jarritako zigorrak izan dira. Izan ere, Caracaseko Gobernuak politika horren aurkako kritika bat gaineratu nahi izan du adierazpenean, baina herrialde batzuk aurka agertu dira. Hori bai, EFE agentziak zehaztu duenez, estatu gehienek bat egin dute Venezuelarekin.
Batzar honen alternatiba bezala, hainbat erakunde eta elkarte sozialek Herrien Goi-bilera abiatu dute Panaman, eta aurrerapen sozialetan atzera ez egitea aldarrikatu dute. Halaber, gaitzetsi egin dute AEBk Venezuelaren aurrean erakutsitako jarrera.
sitako jarrera.Zure interesekoa izan daiteke
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".