Raul Castrok Barack Obamari: 'Edozertaz hitz egiteko prest gaude'
Raul Castro Kubako presidenteak Barack Obama AEBko presidenteari esan dio "edozertaz" hitz egiteko prest dagoela bi aldeen arteko harremanak berreskuratzeko prozesu horretan.
Bi herrialdeek "errespetu handiz" hitz egin behar dutela adierazi ostean, Kubako agintariak aitortu du "desadostasun handiak" daudela bi gobernuen artean.
Barack Obama eta Raul Castro AEBko eta Kubako presidenteek bilera bat egin dute larunbat honetan Ameriketako Goi-bileraren baitan, Panamako Atlapa zentroko areto txiki batean. Batzar historikoa izan da, izan ere, bi herrialdeek 50 urtean egin duten lehena izan da.
Obamak berak aitortu du bilera "historikoa" izan dela, baina aitortu du bi herrialdeen arteko historia oso "korapilatsua" dela. "Orain etorkizunerako bidean aurrerapausoak emateko moduan gaude", azpimarratu du AEBko presidenteak.
Gaurko bilera baino lehen, asteazkenean, bi agintariek telefonoz hitz egin zuten eta bi herrialdeen arteko harreman diplomatikoak lehengoratzeko prozesuaz hitz egin zuten.
Aurrez, ostiralean, Obamak eta Castrok elkarri bostekoa eman zioten, Anayansiko antzokian sartzerakoan.
Raul Castro eta Barack Obama. Argazkia: EiTB
Harreman diplomatikoak
Abenduan AEBk eta Kubak harremanak berreskuratzea erabaki zutenean, Obamak eta Castrok telefonoz hitz egin zuten. Gainera, 2013ko abenduan topo egin zuten Nelson Mandelaren hileta-elizkizunean. Orduan, baina, elkar agurtzea baino ez zuten egin. Beraz, gaurkoa izango da harremanak berreskuratzea erabaki zutenetik izaten duten lehendabiziko aurrez aurreko elkarrizketa.
Orain arte, AEBren eta Kubaren artean egindako goi-mailako bilera ofizial garrantzitsuena atzo egin zuten John Kerry Estatu idazkariak eta Bruno Rodriguez kantzilerrak, hots, bi herrialdeotako Atzerri ministroek.
Estatu Departamentuak bileraren argazki bat publikatu zuen atzo Twitterren:
Bileraren ostean, Kuba terrorismoa sustatzen duten herrialdeen zerrendatik kentzea aholkatu dio Kerryk Obamari. Orain, Etxe Zuriko lantalde batek aztertuko du eskaera, eta ondorioak presidenteari igorriko dizkio.
Kubak zerrenda horretatik desagertzea eskatu du, baina ez du hori baldintza gisa jarri harreman diplomatikoak berreskuratzeko. Dena dela, AEBk eskaera onartzea normalizaziorako aurrerapauso garrantzitsua izango litzatekeela uste dute adituek.
Barack Obama eta Raul Castro, Nelson Mandelaren hiletan elkar agurtzen. EFE
Zure interesekoa izan daiteke
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".